ஐரோப்பிய நாடுகளில் அழிந்து வரும் அபாயத்தில் உள்ள முள்ளம்பன்றிகள்!

இயற்கை பாதுகாப்புக்கான சர்வதேச ஒன்றியம் (IUCN) ஐக்கிய நாடுகள் சபையின் (UN) COP16 பல்லுயிர் உச்சி மாநாட்டில் அச்சுறுத்தப்பட்ட உயிரினங்களின் புதுப்பிக்கப்பட்ட  சிவப்பு பட்டியலை வெளியிட்டது.

166,061 வகையான தாவரங்கள் மற்றும் விலங்குகளில் கால் பகுதிக்கும் மேலானவை அழிந்துபோகும் அபாயத்தில் உள்ளதாக சுட்டிக்காட்டப்பட்டுள்ளது.

மேற்கு ஐரோப்பிய முள்ளம்பன்றிகள் இந்த அறிக்கையில் முதலிடத்தை பிடித்துள்ளன. நெதர்லாந்தில் முள்ளம்பன்றிகள் அழிந்து வரும் நிலையில் பட்டியலிடப்பட்டுள்ளன.

கடந்த தசாப்தத்தில், ஆஸ்திரியா, பெல்ஜியம், டென்மார்க், ஜெர்மனி, நார்வே, ஸ்வீடன் மற்றும் இங்கிலாந்து உட்பட பல நாடுகளில் முள்ளம்பன்றிகள் குறைவாக உள்ளதாக ஆய்வாளர்கள் சுட்டிக்காட்டியுள்ளனர்.

பவேரியா, ஜெர்மனி மற்றும் பெல்ஜியத்தின் ஃபிளாண்டர்ஸ் போன்ற சில பகுதிகளில் முள்ளம்பன்றிகளின் எண்ணிக்கை 50% குறைந்துள்ளதாகவும் சிவப்பு பட்டியல் அறிக்கை மதிப்பிடுகிறது. இங்கிலாந்தில், கிராமப்புறங்களில் முள்ளெலிகள் 75% குறைந்துள்ளதாக சமீபத்திய ஆய்வில் கண்டறியப்பட்டுள்ளது.