அமெரிக்காவில் புழுதி புயல் – 6 பேர் உயிரிழப்பு!

அமெரிக்காவின் சிகாகோ நகருக்கு அருகில் உள்ள  இல்லினாய்ஸ் மாகாணத்தில் புழுதி புயல் வீசிய நிலையில், வாகனங்கள் ஒன்றோடு, ஒன்று மோதி விபத்துக்குள்ளானது.

குறித்த விபத்தில் சிக்கி  6 பேர் பலியானதுடன், 30-க்கும் மேற்பட்டோர் காயம் அடைந்தனர். விபத்து நடந்த பகுதிக்கு போலீசார் மற்றும் மீட்பு குழுவினர் விரைந்து சென்றுள்ளதுடன், மீட்பு பணிகளை மேற்கொண்டு வருகின்றனர்.

இது தொடர்பாக இல்லினாய்ஸ் போலீசார் கூறும் போது ’60 பயணிகள் மற்றும் 30 வணிக வாகனங்கள் விபத்துக்குள்ளாகியது’ என்றனர்.

சிகாகோ மற்றும் செயின்ட் லூயிஸ் போன்ற நகரங்களை இணைக்கும் முக்கிய பாதையாக உள்ள இந்த நெடுஞ்சாலையில் விபத்து ஏற்பட்டுள்ளதால் போக்குவரத்து கடுமையாக பாதிக்கப்ப்ட்டுள்ளது.

விபத்தில் சிக்கிய வாகனங்களை அப்புறப்படுத்தும் நடவடிக்கை எடுக்கப்பட்டு வருகிறது.