நாக்பூரில் 3 நாட்களுக்குப் பிறகு ஊரடங்கு உத்தரவு நீக்கம்

வன்முறையால் நகரத்தை உலுக்கிய மூன்று நாட்களுக்குப் பிறகு, நாக்பூரின் சில பகுதிகளில் ஊரடங்கு உத்தரவு தளர்த்தப்பட்டது என்று அதிகாரிகள் தெரிவித்தனர்.

சத்ரபதி சம்பாஜிநகர் மாவட்டத்தில் அமைந்துள்ள முகலாயப் பேரரசர் ஔரங்கசீப்பின் கல்லறையை அகற்றுவதற்காக விஎச்பி மற்றும் பஜ்ரங் தளம் தலைமையிலான போராட்டங்களின் போது புனித எழுத்துக்கள் கொண்ட ‘சதர்’ எரிக்கப்பட்டதாக வதந்திகள் பரவிய நிலையில், திங்கள்கிழமை இரவு மத்திய நாக்பூர் பகுதிகளில் கும்பல்கள் வன்முறையில் ஈடுபட்டன.

அதைத் தொடர்ந்து, கோட்வாலி, கணேஷ்பேத், தாலுகா, லகட்கஞ்ச், பச்பாலி, சாந்தி நகர், சக்கர்தாரா, நந்தன்வான், இமாம்பாடா, யசோதரா நகர் மற்றும் கபில் நகர் காவல் நிலையப் பகுதிகளில் ஊரடங்கு உத்தரவு பிறப்பிக்கப்பட்டது.

மக்களின் வசதி மற்றும் சட்டம் ஒழுங்கைக் கருத்தில் கொண்டு, நந்தன்வான் மற்றும் கபில் நகர் காவல் நிலையப் பகுதிகளில் ஊரடங்கு உத்தரவை நீக்க காவல் ஆணையர் ரவீந்தர் சிங்கால் உத்தரவிட்டார்.