இயற்கை எரிவாயு குறித்து நீண்டகால ஒப்பந்தங்களை செய்யும் சீனா!

உலகளாவிய எரிசக்தி நெருக்கடி தணிந்தாலும், இயற்கை எரிவாயுவில் நீண்டகால ஒப்பந்தங்கள் மற்றும் முதலீடுகளை ஆதரிப்பதன் மூலம் தனது ஆற்றல் எதிர்காலத்தைப் பாதுகாப்பதில் சீனா உறுதியாக இருப்பதாக சர்வதேச ஊடகங்கள் செய்தி வெளியிட்டுள்ளன.

எரிசக்தி பாதுகாப்பில் அரசாங்கம் கவனம் செலுத்தியதால், 2023 ஆம் ஆண்டில் திரவமாக்கப்பட்ட இயற்கை எரிவாயுவின் (எல்என்ஜி) இறக்குமதியில் உலகின் முன்னணி நாடாக சீனா மாறியுள்ளது.

நிலையான விநியோகங்களுக்கு முன்னுரிமை அளிப்பதன் மூலமும், இறக்குமதியைப் பன்முகப்படுத்துவதன் மூலமும், சீனா எதிர்கால எரிசக்தி பற்றாக்குறையைத் தவிர்ப்பதையும், அதைத் தணிப்பதையும் நோக்கமாகக் கொண்டுள்ளது என நிபுணர்கள் சுட்டிக்காட்டியுள்ளனர்.

எல்என்ஜி சந்தையில் சீனாவின் ஆக்ரோஷமான ஒப்பந்தம் செய்யும் முயற்சிகள் அதன் செல்வாக்கையும் முக்கிய பங்களிப்பையும் வலுப்படுத்துவதாக அமைகிறது.

மற்ற எந்த நாட்டையும் விட வேகமாக நீண்ட கால ஒப்பந்தங்களில் கையெழுத்திடுவதன் மூலம், சீனா உலகளாவிய ஏற்றுமதி திட்டங்களுக்கு ஆதரவளிக்கிறது எனவும் கூறப்படுகிறது.

இந்நிலையில்,  இயற்கை எரிவாயு தேவையை பூர்த்தி செய்வதற்காக, வரும் ஆண்டுகளில் அதன் கடலோர நகரங்களில் சுமார் ஒரு டஜன் புதிய இறக்குமதி முனையங்களை அமைக்க சீனா திட்டமிட்டுள்ளது.

தொடர்புடைய செய்திகள்:

நீரில் மூழ்கிய 41 அகதிகளின் உடல்களை மீட்ட துனிசியா சிங்கப்பூர் மக்கள் அதிகம் செல்ல விரும்பும் நாடுகள் – கூகுள் வெளியிட்டுள்ள பட்டியல் இஸ்ரேல் சிறையில் 86 நாட்களாக உண்ணாவிரதப் போராட்டத்தில் ஈடுபட்டிருந்த பாலஸ்தீன போராளித் தலைவர் மரணம் அல்ஜீரியாவின் முன்னாள் பிரதமர் மற்றும் சுகாதார அமைச்சருக்கு 5 ஆண்டுகள் சிறைதண்டனை