அமெரிக்காவை தாக்கும் நரமாமிச சூரிய புயல் – மக்களுக்கு விடுக்கப்பட்டுள்ள எச்சரிக்கை!

அமெரிக்காவில் மிகப் பெரிய சூரிய புயல் உருவாகும் என எதிர்பார்க்கப்படுகிறது. இது சாத்தியமான மின்வெட்டுக்களை கொண்டுவரும் என ஆய்வாளர்கள் தெரிவித்துள்ளனர்.

விஞ்ஞானிகள் இந்த நிகழ்வை ‘நரமாமிச’ சூரிய புயல்  cannibal’ solar storm என்று அழைக்கின்றனர். இது சூரியனில் இருந்து வெளியேற்றப்படும் சார்ஜ் செய்யப்பட்ட துகள்களின் ஒரு பெரிய மேகம் முந்திச் சென்று முந்தைய சூரிய வெடிப்புடன் ஒன்றிணைந்து பூமியின் காந்தப்புலத்தில் இன்னும் வலுவான தாக்கத்தை உருவாக்கும் போது நிகழ்கிறது.

இந்த புவி காந்த புயல் செவ்வாய்க்கிழமை அதிகாலை G3 (வலுவான) நிலையை அடையும் வாய்ப்பு உள்ளது, மேலும் அது ‘கடுமையான’ G4 புயலாக மாறும் வாய்ப்பு உள்ளது, இது அமெரிக்காவின் வடக்குப் பகுதியில் மின்வெட்டு அபாயத்தை அதிகரிக்கக்கூடும் எனத் தெரிவிக்கப்பட்டுள்ளது.

குறிப்பாக, புயல் மின்னழுத்த ஏற்ற இறக்கங்கள் அல்லது மின்மாற்றி சேதத்தை ஏற்படுத்துவதன் மூலம் உள்ளூர் மின் கட்டமைப்புகளை பாதிக்கலாம், மேலும் இது ரேடியோ சிக்னல்கள், ஜிபிஎஸ் மற்றும் செயற்கைக்கோள் தகவல்தொடர்புகளையும் கூட சீர்குலைக்கக்கூடும் என எதிர்வுக்கூறப்பட்டுள்ளது.