பிரித்தானியாவின் ‘பட்ஜெட்’ புரட்சி

பிரித்தானியாவில் அதிகரித்து வரும் வாழ்க்கைச் செலவு (Cost of Living) காரணமாக, அந்நாட்டு மக்கள் தங்களின் பணத்தை எங்கே, எப்படிச் செலவிட வேண்டும் என்பதில் மிகவும் கவனமாகவும் மற்றும் சமரசமற்ற முடிவுகளையும் எடுக்கத் தொடங்கியுள்ளதாகப் புதிய ஆய்வு ஒன்று தெரிவிக்கிறது.

தற்பொழுது அவசியமற்ற செலவுகளுக்கு ‘நோ'(No) முன்பு சாதாரணமாகச் செலவு செய்த பொழுதுபோக்கு அம்சங்கள், வெளி உணவுகள் மற்றும் சந்தா (Subscription) சேவைகளை மக்கள் தற்போது துணிச்சலாக ரத்து செய்து வருகின்றனர்.

மற்றும் விலை உயர்ந்த பிராண்ட் (Branded) தயாரிப்புகளைத் தவிர்த்து, தரமான அதேசமயம் மலிவான ‘சூப்பர் மார்க்கெட்’ (Supermarket)களின் சொந்த தயாரிப்புகளை (Own-brand products) மக்கள் அதிகம் தேடிச் செல்கின்றனர்.

விலை ஒப்பீடு (Price Comparison) ஒரு பொருளை வாங்குவதற்கு முன் பல இடங்களில் அதன் விலையை ஒப்பிட்டுப் பார்த்து, மிகக் குறைந்த விலையில் கிடைக்கும் இடத்தில் மட்டுமே வாங்கும் ‘ரூத்லெஸ்’ (Ruthless) மனநிலைக்கு மக்கள் மாறியுள்ளனர்.

அத்தியாவசியப் பொருட்களின் விலை உயர்வு, மக்களின் சேமிப்பைக் குறைத்துள்ளது. மேலும் பொருளாதார நிச்சயமற்ற தன்மை காரணமாக, தேவையற்ற கடன்களைத் தவிர்க்க மக்கள் விரும்புகின்றனர்.
இதனால் தள்ளுபடி கூப்பன்கள் (Coupons) மற்றும் கஷ்பேக் (Cashback) சலுகைகளைப் பயன்படுத்துவதில் மக்கள் இப்போது அதிக முனைப்பு காட்டுகின்றனர்.

மக்களின் இந்த கறாரான போக்கினால், சில்லறை வர்த்தக நிறுவனங்கள் தங்களின் விலைக் கொள்கையை மாற்ற வேண்டிய கட்டாயத்திற்குத் தள்ளப்பட்டுள்ளனர். தரம் மற்றும் குறைந்த விலை ஆகிய இரண்டையும் சரியாகத் தரும் நிறுவனங்களை மட்டுமே மக்கள் ஆதரிக்கின்றனர்.