சூடானில் பஞ்சத்தால் பாதிக்கப்பட்ட இடம்பெயர்வு முகாம் மீது தாக்குதல் – 40 பேர் பலி!

சூடானின் துணை ராணுவ விரைவு ஆதரவுப் படைகள் வடக்கு டார்ஃபர் மாகாணத்தின் தலைநகரான எல்-ஃபாஷருக்கு வெளியே பஞ்சத்தால் பாதிக்கப்பட்ட இடம்பெயர்வு முகாமில் தாக்குதல்களை நடத்தியுள்ளனர்.

இதில் 40 பேர் கொல்லப்பட்டதாக உள்ளூர் உரிமைகள் குழுக்கள் தெரிவித்தன.

அபு ஷோக் இடப்பெயர்வு முகாமில் பணிபுரியும் அவசரகால பதிலளிப்பு அறைகள் குழு வெளியிட்ட ஒரு அறிக்கையில், சூடான் இராணுவத்துடன் போரில் ஈடுபட்டுள்ள ஆர்எஸ்எஃப், குடிமக்களை அவர்களின் வீடுகளுக்குள் குறிவைத்து தாக்கியதாக தெரிவித்துள்ளது.

சூடான் முழுவதும் உதவி வழங்கும் சமூக ஆர்வலர் குழு, குறைந்தது 19 பேர் காயமடைந்ததாகக் கூறியது.

எல்-ஃபாஷருக்கு வெளியே உள்ள அபு ஷோக் இடப்பெயர்வு முகாம், சுமார் 450,000 இடம்பெயர்ந்த மக்களைக் கொண்டுள்ளமை குறிப்பிடத்தக்கது.