ரஷ்யாவில் அலெக்ஸி நவால்னியின் கூட்டாளிக்கு 18 ஆண்டுகள் சிறைத்தண்டனை

மறைந்த எதிர்க்கட்சித் தலைவர் அலெக்ஸி நவால்னியின் முக்கிய கூட்டாளியும் ரஷ்ய அதிருப்தியாளரும் கிரெம்ளின் விமர்சகருமான லியோனிட் வோல்கோவ்விற்கு 18 ஆண்டுகள் சிறைத்தண்டனை விதிக்கப்பட்டுள்ளது.

உக்ரைனில் நடந்த போர் பற்றிய போலிச் செய்திகளைப் பரப்புதல் மற்றும் “பயங்கரவாதத்தை நியாயப்படுத்துதல்” உள்ளிட்ட பல குற்றச்சாட்டுகளில் வோல்கோவ் குற்றவாளி என்று ரஷ்ய இராணுவ நீதிமன்றம் தீர்ப்பளித்தது.

“ஒன்பது குற்ற வழக்குகளில் 40 க்கும் மேற்பட்ட குற்றச் செயல்களில் வோல்கோவ் குற்றவாளி என நிரூபிக்கப்பட்டது” என்று மாஸ்கோ இராணுவ நீதிமன்றம் குறிப்பிட்டுள்ளது.