காஸாவில் உள்ள அல்-ஷிபா மருத்துவமனை முழுவதும் அழிக்கப்பட்டுவிட்டது – WHO தகவல்

காஸா பகுதியில் செயல்பட்டு வந்த மிகப்பெரிய அல்-ஷிபா மருத்துவமனை முழுவதும் அழிக்கப்பட்டுவிட்டதாக அறிவிக்கப்பட்டுள்ளது.

அங்கு முற்றிலும் சிதைக்கப்பட்ட 5 சடலங்கள் இருந்ததாகவும் உலக சுகாதார நிறுவனம் தெரிவித்துள்ளது.

ஹமாஸுக்கு எதிரான போரில் ஈடுபட்டுள்ள இஸ்ரேல் ராணுவம், அல்-ஷிபா மருத்துவமனையில் தீவிரவாதிகள் தங்கியிருக்கலாம் என்ற சந்தேகத்தில் அங்கு தீவிர தேடுதல் வேட்டையை நடத்தியது.

அதன்பிறகு அந்த இடத்தைப் பார்வையிட்ட உலக சுகாதார நிறுவனத்தின் ஆய்வுக் குழு, மருத்துவமனை முற்றிலும் சேதமடைந்திருப்பதாக தெரிவித்துள்ளது.