ஆப்பிரிக்கா சிறுவர்களுக்காக நைஜீரிய வீரர் செய்த நெகிழ்ச்சியான செயல்!
நைஜீரிய செஸ் சாம்பியன் ஒருவர் உலக சாதனையை முறியடிக்க 58 மணிநேரம் இடைவிடாமல் விளையாடியுள்ளார்.
29 வயதான துண்டே ஒனகோயா, புதன்கிழமை நியூயார்க் நகரத்தின் டைம்ஸ் சதுக்கத்தில் தொடங்கிய இந்த போட்டியின் மூலம் ஆப்பிரிக்கா முழுவதும் உள்ள குழந்தைகளின் கல்விக்காக $1m (£800,000) திரட்ட எதிர்பார்க்கிறார்.
இந்நிலையில் இன்று (20.04) காலை அவர் 58 மணி நேரக் குறியைத் தாண்டியுள்ளார்.
இதன்படி 2018 ஆம் ஆண்டில் நோர்வே ஜோடியான ஹால்வர்ட் ஹாக் ஃப்ளேட்போ மற்றும் ஸ்ஜுர் ஃபெர்கிங்ஸ்டாட் ஆகியோரால் அமைக்கப்பட்ட 56 மணி, ஒன்பது நிமிடங்கள் மற்றும் 37 வினாடிகளின் தற்போதைய சாதனையை அவர் முறியடித்துள்ளார்.
