கனமழை காரணமாக பல ஆறுகள் அபாய நிலையில் இருக்கின்றன

தற்போது பெய்து வரும் கடும் மழையினால் கிங், களு, நில்வலா கங்கை மற்றும் அத்தனகலு ஓயா ஆகிய ஆறுகள் அபாய மட்டத்தில் இருப்பதாக நீர்ப்பாசன திணைக்களம் தெரிவித்துள்ளது.

பத்தேகம பகுதியைச் சேர்ந்த ஜிங் கங்கா ஆபத்தாக இருப்பதாக தெரிவிக்கப்பட்டுள்ளது.

மில்லகந்த பிரதேசத்தில் இருந்து களுகங்கை ஆற்றில் சிறிதளவு வெள்ளப்பெருக்கு ஏற்பட்டுள்ளதோடு, பனடுகம மற்றும் தல்கஹகொட பிரதேசங்களில் நில்வலா ஆற்றிலும் சிறிதளவு வெள்ளப்பெருக்கு ஏற்பட்டுள்ளது.

துவனமலே பிரதேசத்திலிருந்து அத்தனகலு ஓயாவின் நீர் மட்டமும் சிறிதளவு வெள்ள மட்டத்தில் காணப்படுவதுடன் அதன் நீர்மட்டம் படிப்படியாக அதிகரித்து வருகின்றது.

தற்போது நிலவும் மழையுடனான காலநிலை காரணமாக நீர்த்தேக்கங்களின் நீர் மட்டம் குறித்து நீர்ப்பாசனத் திணைக்களத்தின் நீரியல் மற்றும் அனர்த்த முகாமைத்துவப் பிரிவின் பணிப்பாளர் பொறியியலாளர் எஸ்.பி.சி. சுகீஸ்வரன் பின்வருமாறு விளக்கினார்.

உடவலவ நீர்த்தேக்கத்தின் நீர் மட்டம் மற்றும் மாத்தறை மற்றும் ஹம்பாந்தோட்டை மாவட்ட நீர்த்தேக்கங்களின் நீர் மட்டம் தொடர்பிலும் கருத்துக்கள் தெரிவிக்கப்பட்டன.

நாட்டின் பல பகுதிகளில் கடும் மழை பெய்யும் என வளிமண்டலவியல் திணைக்களம் தெரிவித்துள்ளது.