காஸாவுக்கு அருகே அதிரடி நடவடிக்கையில் இஸ்ரேல் – குவிக்கப்பட்ட கவச வாகனங்கள்

இஸ்ரேல் கவச வாகனங்களைக் குவித்து வருவதனால் காஸா வட்டாரத்துக்கு அருகே பதற்றமான சூழல் ஏற்பட்டுள்ளது.

ஹமாஸ் கிளர்ச்சிக் குழுவினருக்கு எதிராகப் பெரிய அளவில் தரைவழித் தாக்குதல் விரைவில் தொடங்கக்கூடும். இதற்கிடையே காஸாவில் நிலைமை மோசமடைந்து கொண்டிருக்கிறது.

அங்கு உணவும் தண்ணீரும் தீர்ந்துகொண்டிருப்பதாக ஐக்கிய நாட்டு உலக உணவுத் திட்டப் பிரிவு தெரிவித்தது.

பாலஸ்தீன வட்டாரத்தில் உள்ள ஒரே மின்சார நிலையத்தில் எரிபொருள் தீர்ந்துபோய்விட்டது.

இப்போது அது மின்-உற்பத்தி இயந்திரங்களை மட்டுமே நம்பியிருக்கிறது. இஸ்ரேலியப் பிணையாளிகள் விடுவிக்கப்படும் வரை முற்றுகை முடிவுக்கு வராது என்று இஸ்ரேல் கூறுகிறது.

காஸாவில் சுமார் 50,000 கர்ப்பிணிகளுக்கு அத்தியாவசிய மருத்துவச் சேவைகளோ சுத்தமான குடிநீரோ கிடைக்கவில்லை என்கிறது ஐக்கிய நாட்டு நிறுவனம்.

கடந்த வாரம் சனிக்கிழமை இஸ்ரேல் மீது காஸா நடத்திய தாக்குதலில் 1,300 பேர் உயிரிழந்துள்ளதாக தெரிவிக்கப்படுகின்றது. சுமார் 150 பேர் காஸாவுக்குள் பிணைக் கைதிகளாகப் பிடித்துச் செல்லப்பட்டனர்.

இஸ்ரேலிய ராணுவம் குடிமக்களின் பாதுகாப்பை உறுதிசெய்யத் தவறிவிட்டது என்பதை அந்நாட்டுத் தற்காப்புத் தளபதி ஒப்புக்கொண்டார்.

தொடர்புடைய செய்திகள்:

பொன்னாவெளியில் சிமெந்து தொழிற்சாலை அமைக்கலாமா? ஆய்வு செய்யக்கோரி துணைவேந்தருக்கு சிறீதரன் எம்.பி கடிதம் மகளிடம் 6 வருடமாக மோசமான செயலில் ஈடுபட்டுவந்த தந்தை மற்றும் நண்பர் -இலங்கையில் நடந்தேறிய சம்பவம் தீம் பார்க்கில் தவறி விழுந்து பிரெஞ்சு இளம்பெண் உயிரிழப்பு இலங்கையின் பல அரச அலுவலகங்கள் மீது சைபர் தாக்குதல்