ரஷ்ய கட்டுப்பாட்டில் இருந்த பகுதிகளை மீண்டு உக்ரைன் கைப்பற்றியது

ரஷ்ய பாதுகாப்புப் படையினரால் கைப்பற்றப்பட்ட உக்ரைன் பிரதேசத்தின் பெரும்பகுதியை தனது படைகளால் மீண்டும் கைப்பற்ற முடிந்ததாக உக்ரைன் கூறுகிறது.

உக்ரைன் படைகளின் பதிலடித் தாக்குதல்களால் இந்த வெற்றிகள் கிடைத்ததாக ராய்ட்டர்ஸ் செய்தி வெளியிட்டுள்ளது.

அதன்படி, ரஷ்ய இராணுவத்தின் கட்டுப்பாட்டில் இருந்த கிழக்கு மற்றும் தெற்கு உக்ரைனின் பெரும்பகுதியில் உக்ரைன் தனது கட்டளையை பரப்ப முடிந்தது.

உக்ரைனின் துணைப் பாதுகாப்பு அமைச்சர் ஹன்னா மலியர், கியேவில் பல மாதங்களாக நடந்த கடும் சண்டைக்குப் பிறகு, மே மாதம் ரஷ்யப் படைகள் அப்பகுதிகளைக் கைப்பற்றியதாகக் கூறினார்.

கிழக்கு நகரமான பாக்முட்டைச் சுற்றியுள்ள 2 சதுர கிலோமீட்டர் (0.77 சதுர மைல்) பகுதியும் ரஷ்ய கட்டுப்பாட்டிலிருந்து விடுவிக்கப்பட்டுள்ளது.

இது குறித்து மலியர் உக்ரேனிய ஊடகத்திடம் கூறியதாவது; தமதுபடைகள் அவ்டிவ்காவிற்கு தெற்கே உள்ள ஓபிட்னே கிராமத்தின் ஒரு பகுதியையும், கிழக்கு டொனெட்ஸ்க் பகுதியில் உள்ள நோவோமயோர்ஸ்கே கிராமத்திற்கு அருகே ஒரு பகுதி வெற்றியையும் கைப்பற்றியது.

மூன்று மாத எதிர்த்தாக்குதல் தொடங்கியதில் இருந்து, கீவின் படைகள் தற்போது பாக்முட் அருகே 49 சதுர கிலோமீட்டர்களை விடுவித்துள்ளன.

ரோபோடைன் கிராமங்களுக்கு தெற்கேயும், ஜபோரிஜியா பிராந்தியத்தில் வெர்போவின் மேற்கேயும் உக்ரேனியப் படைகள் வெற்றி பெற்றதாகவும் மலியர் குறிப்பிட்டார்.