உலகில் முதன்முறையாக செயற்கை மனித கரு உருவாக்கப்பட்டது

உலகிலேயே முதன்முறையாக செயற்கை மனிதக் கருவை உருவாக்குவதில் அமெரிக்க மற்றும் பிரித்தானிய மருத்துவ ஆய்வுக் குழுக்கள் வெற்றி பெற்றுள்ளதாக கார்டியன் செய்திச் சேவை தெரிவித்துள்ளது.

இந்த கருவை முட்டை செல்கள் மற்றும் விந்தணுக்கள் இல்லாமல் உருவாக்க முடியும் என தெரிவிக்கப்பட்டுள்ளது.

பழமையான நிலையில் உள்ள இந்த செயற்கை கருவுக்கு இதயம், மூளை துடிக்கும் திறன் இல்லை என்றும், ஆனால் இது எதிர்காலத்தில் மரபணு நோய்கள் மற்றும் கருச்சிதைவுக்கான காரணங்களைக் கண்டறிய உதவும் என்றும் ஆய்வுக்குழு தெரிவித்துள்ளது.

இந்த கண்டுபிடிப்பின் மூலம் எதிர்காலத்தில் இதுபோன்ற செயற்கை மனித கருக்களை உருவாக்குவது மற்றும் பயன்படுத்துவது தொடர்பான சட்ட விதிமுறைகள் தேவைப்படுவதாக வெளிநாட்டு தகவல்கள் தெரிவிக்கின்றன.