வாழ்க்கை ஒரு யாத்திரை” – கிறிஸ்துமஸ் செய்தியில் நம்பிக்கையைப் பகிரும் பிரித்தானிய மன்னர்

பிரித்தானிய மன்னர் மூன்றாம் சார்லஸின் 2025-ஆம் ஆண்டுக்கான கிறிஸ்துமஸ் செய்தி, இன்று மதியம் 3 மணிக்கு உலகெங்கும் ஒளிபரப்பாகிறது.

வெஸ்ட்மின்ஸ்டர் அபேயின் வரலாற்றுச் சிறப்புமிக்க லேடி சேப்பலில் (Lady Chapel) இருந்து இந்த உரை வழங்கப்படுகிறது. புற்றுநோய் சிகிச்சை வெற்றிகரமாகக் குறைக்கப்பட்ட பிறகு, மன்னர் வழங்கும் முதல் கிறிஸ்துமஸ் உரை இது என்பது குறிப்பிடத்தக்கது.

வாழ்க்கையை ஒரு ‘யாத்திரை’ (Pilgrimage) என வர்ணித்துள்ள மன்னர், இரண்டாம் உலகப் போரின் 80-வது ஆண்டை முன்னிட்டு போர் வீரர்களின் தியாகங்களையும் கௌரவித்துள்ளார்.

தனது மருமகள் கேட் மிடில்டனின் இசை நிகழ்ச்சியில் பயன்படுத்தப்பட்ட கிறிஸ்துமஸ் மரங்களின் பின்னணியில், சமூக ஒற்றுமையை வலியுறுத்தி மன்னர் உரையாற்றுகிறார்.

மறுபுறம், பிரதமர் கீர் ஸ்டார்மர் விடுத்துள்ள செய்தியில், பொருளாதார நெருக்கடியில் சிக்கித் தவிக்கும் மக்களுக்கு உதவுவதே தனது அரசின் முன்னுரிமை என உறுதியளித்துள்ளார்.

கிறிஸ்துமஸ் நாளில் அயலவர்கள் மற்றும் தனிமையில் இருப்பவர்களிடம் அன்பு காட்டி, ஒருவருக்கு ஒருவர் கைகொடுக்குமாறு அவர் நாட்டு மக்களைக் கேட்டுக்கொண்டார்.