பிரித்தானிய மருத்துவமனைகள் மீள எழுவது சாத்தியமா?

பிரித்தானியாவில் உள்ள மருத்துவமனைகள், கிறிஸ்துமஸுக்கு முன் நோயாளர்களை வீட்டிற்கு அனுப்பவும், ஐந்து நாட்கள் நடந்த மருத்துவர்கள் வேலைநிறுத்தத்தால் ஏற்பட்ட பிரச்சனைகளிலிருந்து மீளவும் முயற்சி செய்து வருவதாக கூறப்படுகிறது.

மருத்துவர்கள், சம்பளப் பிரச்சனைகளால் வேலைநிறுத்ததில் ஈடுபட்ட நிலையில் தற்போது மீண்டும் பணிக்கு திரும்புகின்றனர்.

வேலைநிறுத்தத்தின் போது அவசர சிகிச்சை வழங்க மூத்த மருத்துவர்கள் பணியமர்த்தப்பட்டதால், பல தேர்வு சிகிச்சைகள் மற்றும் வெளிநோயாளர் நேரங்கள் ரத்து செய்யப்பட்டன.

இதனால் நோயாளர்களுக்கு ஏற்பட்ட பாதிப்பு இன்னும் முழுமையாக கணக்கிடப்படவில்லை என்றும் பிரித்தானிய தேசிய சுகாதார சேவை தெரிவித்துள்ளது.

அரசு மற்றும் மருத்துவர்கள் சங்கம் இடையே பேச்சுவார்த்தை இடம்பெற்றும், வேலைநிறுத்தம் தொடர்ந்தும் முன்னெடுக்கப்பட்டது.

பயிற்சி மற்றும் வேலை பாதுகாப்பு திருப்திகரமாக இல்லை என்பதால் அரசு வழங்கிய புதிய சலுகையை பிரித்தானிய மருத்துவ சங்க உறுப்பினர்கள் நிராகரித்தனர்.

எவ்வாறாயினும் பிரித்தானிய மருத்துவர்கள் சங்க தலைவர் டொக்டர் ஜாக் பிளெட்சர், அரசுடன் பேச தயாராக உள்ளதாக கூறினார்.

இது தொடர்பில் அவர் மேலும் தெரிவித்திருப்பதாவது,

“2026 க்குள் நல்ல வேலை ஒப்பந்தங்கள் வேண்டும் என்று கூறினார். மருத்துவர்களுக்கான வேலை நெருக்கடிக்கு சரியான தீர்வு தேவைப்படும்.

மருத்துவர்களின் சம்பளம் பல ஆண்டுகளில் மெதுவாக உயர்த்தப்பட வேண்டும். மார்ச் 2023 முதல் நடந்த 14 வேலைநிறுத்தங்களில் 65% மருத்துவர்கள் பங்கேற்றனர்.

பணவீக்கம் காரணமாக, ரெசிடென்ட் மருத்துவர்களின் சம்பளம் 2008 ஐ விட 20% குறைவாக உள்ளது.

இந்த ஆண்டு மட்டுமே அவர்களுக்கு 5.4% சம்பள உயர்வு கிடைத்தது” என்றார்.

இதேவேளை, “இந்த பிரச்சனையை முடிக்க விரும்புகிறேன். பேச்சுவார்த்தைக்கான கதவை நான் எப்போதும் திறந்தே வைத்திருக்கிறேன்” என்று அமைச்சர் ஸ்ட்ரீட்டிங், கூறினார்.

ஆனால் BMA அரசு கொடுத்ததை விட 26% அதிக சம்பளம் கேட்கிறது என்றும், அது இப்போது சாத்தியமில்லை என்றும் அவர் தெரிவித்தார்.

இருப்பினும், புத்தாண்டில் மீண்டும் பேச்சுவார்த்தை நடக்கும் என்று அவர் கூறினார்.