அமெரிக்காவிற்கு நாடு கடத்தப்பட்ட பிரபல கியூபா எதிர்ப்பாளர் ஜோஸ் டேனியல் பெரர் கார்சியா (Jose Daniel Ferrer Garcia)

கியூபாவின் மிகவும் பிரபலமான எதிர்ப்பாளர்களில் ஒருவரான ஜோஸ் டேனியல் பெரர் கார்சியா (Jose Daniel Ferrer Garcia) சிறையில் இருந்து நாடுகடத்தப்பட்டதாக வெளியுறவு அமைச்சகம் தெரிவித்துள்ளது.

அவர் டிரம்ப் நிர்வாகத்தின் வேண்டுகோளின் பேரில் அமெரிக்காவிற்கு நாடுகடத்தப்பட்டுள்ளார்.

54 வயதான பெரர் கார்சியா சிறையில் இருந்து எழுதிய ஒரு கடிதத்தில், முன்னாள் அமெரிக்க ஜனாதிபதி ஜோ பைடனுடனான ஒப்பந்தத்தின் கீழ் சிறிது காலம் விடுவிக்கப்பட்ட பின்னர் மீண்டும் சிறையில் அடைக்கப்பட்டதிலிருந்து “எனக்கு எதிரான சர்வாதிகாரத்தின் கொடுமைக்கு எல்லையே இல்லை” என்று குறிப்பிட்டுள்ளார்.

மேலும், தனது மனைவியும் சிறையில் அடைக்கப்படுவார் என்றும், தனது இளம் மகன் சிறார் குற்றவாளிகளுக்கான காப்பகத்திற்கு அனுப்பப்படுவார் என்றும் அச்சுறுத்தல்கள் எழுந்ததை அடுத்து தான் வெளியேற முடிவு செய்ததாக தெரிவித்துளளார்.

இந்நிலையில், “அமெரிக்காவிற்குச் செல்லும் பயணம், அந்த நாட்டின் அரசாங்கத்தின் முறையான கோரிக்கை மற்றும் பெரர் கார்சியாவின் வெளிப்படையான ஒப்புதலைப் பின்பற்றுகிறது” என்று அமைச்சகம் தெரிவித்துள்ளது.

பெரர் கார்சியா 2011ல் தேசிய தேசபக்த ஒன்றியம் அல்லது அன்பாக்கு என்ற எதிர்க்கட்சிக் குழுவை நிறுவினார், இது மியாமியை தளமாகக் கொண்ட நாடுகடத்தப்பட்டவர்களுடன் நெருக்கமாக இணைந்திருந்தது. அன்றிலிருந்து அவர் சிறையில் இருந்து வருகிறார்.