நேபாளத்திற்கு மீண்டும் விமான சேவைகளை ஆரம்பித்துள்ள ஸ்ரீலங்கன் விமான நிறுவனம்
நேபாளத்தின் திரிபுவன் சர்வதேச விமான நிலையம் அந்நாட்டு சிவில் விமானப் போக்குவரத்து ஆணையத்தால் மீண்டும் திறக்கப்பட்டதைத் தொடர்ந்து, ஸ்ரீலங்கன் ஏர்லைன்ஸ் காத்மாண்டுவுக்கான விமானங்களை மீண்டும் தொடங்கியுள்ளது.
அதன்படி, இன்று காலை 8:15 மணிக்கு கட்டுநாயக்க விமான நிலையத்திலிருந்து நேபாளத்திற்கு ஸ்ரீலங்கன் ஏர்லைன்ஸ் விமானம் UL-181 புறப்பட்டது.
நேபாளத்தில் அண்மையில் ஏற்பட்ட அமைதியின்மை காரணமாக, விமான நிலையம் தற்காலிகமாக மூடப்பட்டதைத் தொடர்ந்து, இலங்கைக்கும் நேபாளத்திற்கும் இடையிலான சர்வதேச விமானங்கள் நேற்று நிறுத்தப்பட்டன.
ஸ்ரீலங்கன் ஏர்லைன்ஸ் தற்போது திரிபுவன் விமான நிலையத்திற்கு விமானங்களை இயக்கும் ஒரே விமான நிறுவனமாகும், வாரத்திற்கு நான்கு முறை, ஞாயிறு, திங்கள், புதன் மற்றும் வியாழக்கிழமைகளில் சேவைகள் திட்டமிடப்பட்டுள்ளன.
(Visited 1 times, 2 visits today)
