சாத்தான் II ஏவுகணையை பயன்படுத்த திட்டமிடும் ரஷ்யா: நாளுக்கு நாள் உக்கிரமடையும் மோதல்!

ரஷ்யா இன்னும் தனது சாத்தான் II ஏவுகணையை போரில் பயன்படுத்துவதில் ஆர்வம் காட்டி வருவதாக அந்நாட்டு அரசு ஊடகம் தெரிவித்துள்ளது.

சாத்தான் II என்ற புனைப்பெயர் கொண்ட RS-28 Sarmat ஏவுகணை, பல அணு ஆயுதங்களை சுமந்து செல்லும் திறன் கொண்டது மற்றும் அமெரிக்கா அல்லது ஐரோப்பா வரை ஆயிரக்கணக்கான மைல்கள் தொலைவில் உள்ள இலக்குகளை தாக்கும் திறன் கொண்டது.

ஒரே குண்டுவெடிப்பில் முழு இங்கிலாந்தையும் அழிக்கும் திறன் கொண்ட இந்த ஏவுகணையானது கடந்த 2016 ஆம் ஆண்டு முதன் முதலாக பரிசோதனை செய்யப்பட்டது.

ஆனால் சமீபகாலமாக இந்த ஏவுகணை பயன்படுத்தப்படவில்லை. தற்போது அணுவாயுத போர் குறித்த புதிய திட்டத்தில் புட்டின் கையெழுத்திட்டுள்ள நிலையில் இந்த ஏவுகணையை பயன்படுத்துவது தொடர்பில் கவனம் செலுத்தப்பட்டுள்ளதாக தெரியவருகிறது.

அமெரிக்கா வழங்கிய ATACMS மற்றும் பிரிட்டிஷ் தயாரித்த Storm Shadow ஏவுகணைகளைப் பயன்படுத்தி உக்ரைன் ரஷ்யா மீது தாக்குதல்களை நடத்தியதால் இந்த ஏவுகணை பற்றிய கரிசனை அதிகரித்துள்ளதாக தெரிவிக்கப்படுகிறது.