கூகுளில் இந்த 6 வார்த்தைகளை தேடினால் ஆபத்து

இணையத்தை அதிகமாக பயன்படுத்துபவர்கள் மற்றும் கூகுள் போன்ற தளங்களில் தகவல்களை தேடுபவர்களுக்கு ஒரு முக்கிய எச்சரிக்கை வந்துள்ளது.

இங்கிலாந்தை தளமாகக் கொண்ட இணைய பாதுகாப்பு நிறுவனமான SOPHOS, தங்கள் கணினியின் தேடுபொறியில் குறிப்பிட்ட வார்த்தைகளை உள்ளிடும் பயனர்களை குறிவைத்து ஒரு புதிய ஹேக்கிங் உத்தி செயல்படுவதாக எச்சரித்துள்ளது.

ஆறு குறிப்பிட்ட சொற்களை கூகுளில் தேடுவதற்கு எதிராக SOPHOS இந்த எச்சரிக்கையை விடுத்துள்ளது. ஏனெனில் இவ்வாறு செய்வது இணைய தாக்குதல்களின் ஆபத்தை அதிகரிக்குமாம்.

உதாரணமாக, “பெங்கால் பூனைகள் ஆஸ்திரேலியாவில் சட்டப்பூர்வமானதா?” (Are Bengal Cats legal in Australia?) என்று கூகுளில் தேடினால் முதலில் வரும் இணைப்பை கிளிக் செய்தால், அந்தப் பயனர்களின் தனிப்பட்ட தகவல்கள் ஆன்லைனில் கசியவிடப்படுவதாகக் கூறப்படுகிறது.

“இதில் பாதிக்கப்பட்டவர்கள் பெரும்பாலும் தீங்கிழைக்கும் ஹார்டுவேர் அல்லது முறையான சந்தைப்படுத்தல் போல் இருக்கும் போலியான இணைப்புகளை கிளிக் செய்வதற்கு தூண்டப்படுகிறார்கள். ஆனால் இந்த முறையோ நம்புவதற்கு எளிதான கூகுள் தேடல் மூலம் பாதிப்படைகிறார்கள்” என்று SOPHOS நிறுவனம் குறிப்பிட்டுள்ளது.

மேலும், ஹேக்கர்கள் கூகுள் தேடல்களில் “ஆஸ்திரேலியா” என்ற வார்த்தையைப் பயன்படுத்தும் பயனர்களை குறிவைப்பதாகவும், இந்த சைபர் தாக்குதலுக்கு அந்நாட்டின் குடிமக்கள் அதிகம் பாதிக்கப்படுவதாகவும் இந்த எச்சரிக்கை அறிவுறுத்துகிறது.

கூகுள் தேடலின்போது முதலில் வரக்கூடிய உண்மையானதுபோல் இருக்கும் இணைப்பை க்ளீக் செய்யும் வாடிக்கையாளர்களின் வங்கிக் கணக்குத் தகவல் மற்றும் தனிப்பட்ட தகவல்கள் Gootloader எனப்படும் நிரலால் திருட்டுத்தனமாக எடுக்கப்படுகின்றன. மேலும், இந்த அப்ளிகேஷன் பயனரின் கணினியை பயன்படுத்த முடியாமல் லாக் செய்யும் திறனையும் கொண்டுள்ளது.

“பெங்கால் பூனைகள்” என்ற வார்த்தை சிறப்பு வாய்ந்ததாகத் தோன்றினாலும், இந்தத் தாக்குதல்களுக்கு ஆளாகக்கூடிய எந்த தீங்கிழைக்கும் தகவலையும் பயனர்கள் உள்ளிட வேண்டாம் என்றும் சைபர் பாதுகாப்பு நிறுவனம் கூறியுள்ளது.

இப்போதெல்லாம் சைபர் குற்றவாளிகள் “SEO விஷம்” என்று அழைக்கப்படும் ஒரு நுட்பத்தைப் பயன்படுத்தி, கூகுள் தேடல்களைத் தேடுவதற்கு நிரல்களைப் பயன்படுத்துகின்றனர். இந்த நடைமுறையை “குற்றவாளிகள் தாங்கள் கட்டுப்படுத்தும் வலைத்தளங்களை முதலில் வரவைக்க தேடுபொறி முடிவுகளைக் கையாளும் நயவஞ்சக நுட்பம்” என்று விவரிக்கிறார்கள். இதனால் பாதிக்கப்பட்டவர்கள் யாராவது இருந்தால், அவர்கள் உடனடியாக தங்கள் கடவுச்சொல்லை மாற்றுமாறும் அவர்களின் பாதுகாப்பு அமைப்புகளை மேம்படுத்தவும் அறிவுறுத்தப்பட்டுள்ளது.

கம்ப்யூட்டர்கள், நெட்வொர்க்குகள் மற்றும் கேஜெட்களை சேதப்படுத்துவதற்காக வெளிப்படையாக உருவாக்கப்பட்ட மென்பொருளான மால்வேரைப் பயன்படுத்தி ஹேக்கர்கள் மக்களின் தகவலைத் திருடுகிறார்கள் என்று கூறப்படுகிறது. ட்ரோஜன் ஹார்ஸ், பாட்கள், வைரஸ்கள், பயனர்கள் பணம் செலுத்தும்வரை தங்கள் கணினிகளை அணுகுவதைத் தடுக்கும் முறைகள் என இவை பல வகைகளில் வருகின்றன.