இலங்கையில் சட்ட விரோதமாக தங்கியிருத்து வியாபாரத்தில் ஈடுபட்ட இந்தியர்கள் கைது

இந்தியாவில் இருந்து இலங்கைக்கு சுற்றுலா விசாவில் வந்து சட்டவிரோதமாக தங்கியிருந்து புடவை வியாபாரத்தில் ஈடுபட்டுக் கொண்டிருந்த தமிழ்நாடு மதுரையைச் சேர்ந்த அக்கா தம்பி ஆகியோரை கைது செய்துள்ளதாக ஏறாவூர் பொலிசார் தெரிவித்தனர்.

பொலிசாருக்கு கிடைத்த தகவல் ஒன்றினையடுத்து ஏறாவூர் தளவாய் பகுதில் உள்ள வீடு ஒன்றை பொலிசார் சுற்றிவளைத்து முற்றுகையிட்ட போது அங்கு எந்தவிதமான ஆள் அடையாள ஆவணங்களும் இல்லாமல் தமிழ்நாடு மதுரையைச் சேர்ந்தவர்கள் சட்டவிரோதமாக தங்கியிருந்து புடவை வியாபாரத்தில் ஈடுபட்டுவந்தமை தெரியவந்துள்ளது.

இதனையடுத்து இருவரையும் பொலிஸார் கைது செய்தனர்.

தமிழ்நாடு மதுரையைச் சேர்ந்த 38 வயதுடைய பெண்ணும் அவரின் சகோதரரான 51 வயதுடைய ஆணும் கடந்த ஜுன் மாதம் சுற்றுலா விசாவில் இலங்கைக்கு வந்து இந்த பகுதில் தங்கியிருந்து புடவை வியாபாரத்தில் ஈடுபட்டுவந்துள்ளதுடன், இவர்களை நீதிமன்றில் ஆஜர்படுத்த நடவடிக்கை எடுக்கப்பட்டுள்ளதாக பொலிசார் தெரிவித்தனர்.

தொடர்புடைய செய்திகள்:

இலங்கையில் பாடசாலை கல்வி நடவடிக்கைகள் நாளை முதல் ஆரம்பம்! மட்டக்களப்பில் கொக்கு வேட்டையாட சென்றவர் மரணம்… இலங்கை ஜனாதிபதி தேர்தல் : 14 வேட்பாளர்கள் பாதுகாப்பு தொகையை செலுத்தினர்! சஜித்திற்கு ஆதரவாக நடத்திய மாவனெல்ல கூட்டத்தில் குழப்பம் இலங்கையில் புதிய குழுவினர் ஆட்சிக்கு வரவேண்டும் – சந்திரிக்கா! இலங்கை – எல்பிட்டிய உள்ளூராட்சி மன்றத் தேர்தல் தொடர்பில் வெளியான இறுதி அறிவிப்பு!