நுகேகொடையில் எட்டு பேர் கொண்ட குழுவொன்று அதிகாரி மீது தாக்குதல்
நுகேகொட நாவல பிரதேசத்தில் உள்ள தனியார் நிறுவனமொன்றிற்குள் புகுந்த எட்டு பேர் கொண்ட கும்பல் அந்த நிறுவனத்தில் பணிபுரியும் அதிகாரி ஒருவரை கொடூரமாக தாக்கி காயப்படுத்தியுள்ளதாக மிரிஹான பொலிஸார் தெரிவித்துள்ளனர்.
இந்த தாக்குதலில் படுகாயமடைந்த 33 வயதான அதிகாரி களுபோவில போதனா வைத்தியசாலையில் அனுமதிக்கப்பட்டுள்ளதாகவும், அவர் சம்பந்தப்பட்ட நிறுவனத்தின் தலைவர் எனவும் பொலிஸார் தெரிவிக்கின்றனர்.
நுகேகொட வெலிபார்க்கிற்கு அருகில் அமைந்துள்ள தனியார் நிறுவனமொன்றின் பணிப்பாளர் சபைக்கு இடையில் ஏற்பட்ட சம்பவம் காரணமாக நிர்வாக சபை உறுப்பினர்கள் மற்றும் ஊழியர்கள் குழுவொன்று நிறுவனத்தை விட்டு வெளியேறியுள்ளனர்.
இந்த நிறுவனத்தில் ஊழல் குற்றச்சாட்டு சுமத்தப்பட்டு பதவி நீக்கம் செய்யப்பட்ட ஒருவர், நிறுவனத்தின் உரிமையாளர் மற்றும் ஏழு பேர் நிறுவனத்திடம் அதன் தற்போதைய இயக்குநர் எங்கே என்று கேட்டுள்ளனர்.
மேலும், நிறுவனத்தின் கணக்குப் பொறுப்பில் இருந்த அதிகாரியையும் கடுமையான வார்த்தைகளால் திட்டி, வீடியோ எடுத்துள்ளார்.
இதன்போது, கணக்குப் பொறுப்பதிகாரி, வீடியோ எடுக்கக் கூடாது எனக் கூறி அங்கிருந்து செல்ல முற்பட்ட போது, வந்த நபர்கள் அவரைத் தாக்கிவிட்டுச் சென்றுள்ளனர்.
இது தொடர்பில் தாக்குதலுக்கு உள்ளான அதிகாரி இன்று மிரிஹான பொலிஸில் முறைப்பாடு செய்ததையடுத்து, மிரிஹான தலைமையக பிரதான பொலிஸ் பரிசோதகர் மஞ்சுள துஷார விசாரணைகளை சிறுவர் மற்றும் பெண்கள் பணியகத்திற்கு அனுப்பி வைத்துள்ளார்.
தாக்கப்பட்ட அதிகாரி தற்போது களுபோவில வைத்தியசாலையில் சிகிச்சை பெற்று வருகின்றார்.
(Visited 2 times, 1 visits today)
