பீகாரில் லாரி மற்றும் ஆட்டோ மோதி விபத்து – 3 குழந்தைகள் பலி

பாட்னாவின் புறநகரில் உள்ள பிஹ்தாவில் வேகமாக வந்த டிரக் மீது ஆட்டோரிக்‌ஷா நேருக்கு நேர் மோதியதில் மூன்று குழந்தைகள் கொல்லப்பட்டனர் மற்றும் எட்டு பேர் காயமடைந்தனர் என்று போலீசார் தெரிவித்தனர்.

விசுன்புரா பகுதியில் இந்த விபத்து நடந்ததாக பிஹ்டா காவல் நிலையத்தின் ஸ்டேஷன் ஹவுஸ் அதிகாரி (SHO) ராஜ் குமார் பாண்டே தெரிவித்தார்.

“மூன்று குழந்தைகள் சம்பவ இடத்திலேயே இறந்தனர், ஆட்டோரிக்ஷாவின் ஓட்டுநர் உட்பட 8 பேர் காயமடைந்தனர். விபத்து நடந்த உடனேயே, லாரி டிரைவர் அங்கிருந்து தப்பி ஓடிவிட்டார்,” என்று தெரிவித்தார். .

“உடல்கள் பிரேத பரிசோதனைக்கு அனுப்பப்பட்டுள்ளன. காயமடைந்தவர்கள் அரசு மருத்துவமனையில் சிகிச்சை பெற்று வருகின்றனர். அவர்கள் அபாய கட்டத்தை தாண்டிவிட்டனர்” என்று அவர் மேலும் குறிப்பிட்டார்.

முதல்வர் நிதிஷ் குமார் இறப்புக்கு இரங்கல் தெரிவித்துள்ளார் என்று அவரது அலுவலகம் வெளியிட்டுள்ள செய்திக்குறிப்பில் தெரிவிக்கப்பட்டுள்ளது.

காயமடைந்தவர்களுக்கு உரிய சிகிச்சை அளிக்குமாறு சம்பந்தப்பட்ட அதிகாரிகளுக்கு அவர் உத்தரவிட்டார்.