ஈரானில் நடந்த போராட்டங்களில் 3,000க்கும் மேற்பட்டோர் உயிரிழந்துள்ளதாக சர்வதேச ஊடகங்கள் செய்தி வெளியிட்டுள்ளன. அவர்களில் 2,885 பேர் போராட்டக்காரர்கள் என்று அமெரிக்காவை தளமாகக் கொண்ட  மனித உரிமைகள் அமைப்பொன்று  தெரிவித்துள்ளது. இதற்கிடையில், எட்டு நாட்களாக அமலில் இருந்த சர்வதேச முற்றுகை படிப்படியாக இயல்பு நிலைக்குத் திரும்பியுள்ளதாக  தகவல்கள் தெரிவிக்கின்றன. போராட்டங்கள் தற்போது குறைந்து வருவதாக வெளிநாட்டு ஊடக அறிக்கைகளும் குறிப்பிடுகின்றன.

இந்தோனேசியாவில் 11 பேருடன் சென்ற ATR 42-500 விமானம் காணாமல் போனதாக உள்ளூர் ஊடகங்கள் தெரிவிக்கின்றன. மக்காசர் நகருக்கு அருகே விமானம் காணாமல் போனதாக சந்தேகிக்கப்படுகிறது. காணாமல் போன விமானம் இந்தோனேசிய கடல்சார் விவகாரங்கள் மற்றும் மீன்வளத்துறை அமைச்சகத்திற்கு சொந்தமானது என்று நம்பப்படுகிறது.

தெற்கு ஆப்பிரிக்காவின் மாரிக்கானாவில் (Marikana) இன்று  நடந்த துப்பாக்கிச்சூட்டில் 07 பேர் உயிரிழந்துள்ளனர். மற்றும் மூன்று பேர் காயமடைந்துள்ளனர். துப்பாக்கி முனையில் பணம் பறிக்க முயன்ற நிலையில் இந்த துப்பாக்கிச்சூடு இடம்பெற்றதாக தெரிவிக்கப்படுகிறது. தாக்குதல்தாரிகளை காவல்துறையினர் தேடி வருவதாக அறிவிக்கப்பட்டுள்ளது. மேற்படி தாக்குதலில் ஒரு பெண் மற்றும் 30 முதல் 50 வயதுடைய ஆறு ஆண்கள்  கொல்லப்பட்டதாக காவல்துறையினர் குறிப்பிட்டுள்ளனர். சம்பவம் குறித்த மேலதிக விசாரணைகளை காவல்துறையினர் முன்னெடுத்து வருகின்றனர்.  

தைவானின் வான்வெளியில் சீனாவின் உளவு விமானம் ஒன்று பறந்து சர்ச்சையை ஏற்படுத்தியுள்ளதாக தகவல் வெளியாகியுள்ளது. தென் சீனக் கடலின் வடக்குப் பகுதியில் உள்ள பிரதாஸ் (Pratas) தீவுகளுக்குள் குறித்த உளவு விமானம் பறந்ததாக குற்றம் சாட்டப்பட்டுள்ளது. சீன கண்காணிப்பு விமானம்  இன்று அதிகாலை 5.41 மணிக்கு பிரதாஸ் தீவுகளுக்குள் நுழைந்ததாகவும், குறித்த பகுதியில் 08 நிமிடங்கள் பறந்ததாகவும்  தைவானின் பாதுகாப்பு அமைச்சர் தெரிவித்துள்ளார். சீனாவின் இந்த செயலை ஆத்திரமூட்டும்  பொறுப்பற்ற செயல் என தைவான் பாதுகாப்பு அமைச்சகம் […]