இந்தோனேசியாவில் நிலச்சரிவில் சிக்கி 14 பேர் உயிரிழப்பு!
இந்தோனேசியாவின் சுலவேசி தீவில் பெய்த தொடர் மழையினால் நிலச்சரிவு ஏற்பட்டு குறைந்தது 14 பேர் உயிரிழந்ததுடன் மூவர் மாயமாகியுள்ளதாக அந்நாட்டு அதிகாரிகள் தெரிவித்துள்ளனர்.
தெற்கு சுலவேசி மாகாணத்தின் டானா டோராஜா மாவட்டத்தில் நள்ளிரவுக்கு சற்று முன்னதாக நிலச்சரிவு ஏற்பட்டதாக தெரிவிக்கப்படுகிறது.
இதனைத் தொடர்ந்து சம்பவ இடத்திற்கு மீட்பு பணியினர் விரைந்து வந்ததாகவும், 14 பேரின் உடல்களை மீட்டுள்ளதாகவும் தெரிவிக்கப்படுகிறது.
அதேநேரம் மோசமான வானிலை மீட்பு பணியை முன்னெடுப்பதில் சிக்கல்களை ஏற்படுத்தியுள்ளதாக அதிகாரிகள் குறிப்பிட்டுள்ளனர்.
மேலும் குறித்த பகுதியில் தகவல் தொடர்பும் துண்டிக்கப்பட்டுள்ளது.
