எகிப்தில் 44 பயணிகளுடன் புறப்பட்ட நீர்மூழ்கி கப்பல் விபத்தில் சிக்கியது – உயிர் பிழைத்தவர்களை தேடும் டைவிங் குழுக்கள்!

எகிப்தில் ஒரு சுற்றுலா நீர்மூழ்கிக் கப்பல் மூழ்கியுள்ளது, இது ஒரு பெரிய மீட்பு நடவடிக்கையைத் தூண்டியுள்ளதாக அதிகாரிகள் தெரிவித்துள்ளனர்.

சிண்ட்பாத் என்று பெயரிடப்பட்ட அந்த நீர்மூழ்கிக் கப்பல், நீருக்கடியில் பவளப்பாறைகளைப் பார்ப்பதற்காக கடல் பயணத்தின் போது பல்வேறு நாடுகளைச் சேர்ந்த சுமார் 44 பயணிகளை ஏற்றிச் சென்றதாக தெரிவிக்கப்படுகிறது.

இந்த விபத்தில் குழந்தைகள் உள்பட நால்வர் உயிரிழந்துள்ளதாக உறுதிப்படுத்தப்பட்டுள்ளது. ஆனால் உயிரிழப்புகள் அதிகரிக்குமத் என்றே அஞ்சப்படுகிறது.

இதேவேளை குறைந்தது ஆறு பேர் இறந்ததாக உள்ளூர் தகவல்கள் தெரிவிக்கின்றன. ஒன்பது பேர் காயமடைந்துள்ளனர், இதில் நான்கு பேர் ஆபத்தான நிலையில் உள்ளனர், மேலும் 29 பேர் மீட்கப்பட்டதாக உள்ளுர் அதிகாரிகள் குறிப்பிட்டுள்ளனர்.

அவசர சேவைகள் சம்பவ இடத்தில் உள்ளன, மேலும் டைவிங் குழுக்கள் உயிர் பிழைத்தவர்களைத் தொடர்ந்து தேடி வருவதாக கூறப்படுகிறது.