மெக்ஸிகோ செல்லும் பிரித்தானிய பிரஜைகளுக்கு எச்சரிக்கை : அவசர சூழ்நிலைகளில் இவற்றை கையாளுங்கள்!

மெக்ஸிகோ செல்லும் பயணிகளுக்கு பிரித்தானிய அரசு பாதுகாப்பு எச்சரிக்கை விடுத்துள்ளது.

அதாவது மெக்ஸிகோவில் கார் திருட்டுகள் மற்றும் கொள்ளைகள் அதிகரித்து வருகின்றன, மேலும் நாட்டிற்கு செல்பவர்கள் தங்களைப் பாதுகாப்பாக வைத்திருக்க கூடுதல் நடவடிக்கைகளை எடுக்குமாறு எச்சரிக்கப்பட்டுள்ளனர்.

சுற்றுலாப் பயணிகளுக்கு எதிரான வன்முறைகள் ஒப்பீட்டளவில் அரிதாக இருந்தாலும், தற்போது அங்கு குற்றச்செயல்கள் அதிகரித்து வருவதாக கூறப்படுகிறது.

கொலை மற்றும் வன்முறைக் குற்ற விகிதங்களின் உலகப் பட்டியலில் மெக்சிகோ 13 வது இடத்தில் உள்ளது.

அதிக அளவு கார்டெல் தொடர்பான வன்முறை மற்றும் பெண்கள் மற்றும் சிறுமிகளுக்கு எதிரான வன்முறைகள் அதிகரித்துள்ளன.

மெக்சிகோவிற்குப் பயணம் செய்யும் பிரித்தானியர்கள் விடுமுறையில் இருக்கும் போது குற்றச் செயல்களுக்கு பலியாகும் அபாயத்தை எவ்வாறு குறைப்பது என்பது தொடர்பான  நடவடிக்கைகள் வழங்கப்பட்டுள்ளன.

வெளிநாட்டு, காமன்வெல்த் மற்றும் மேம்பாட்டு அலுவலகம் (FCDO) சுற்றுலாப் பயணிகள் காரில் பயணம் செய்யும் போது பிரதான சாலைகளில் இருந்து வழிதவறுவதைத் தவிர்க்கவும், கதவுகள் மற்றும் ஜன்னல்களை பூட்டி வைக்குமாறும்  எச்சரித்துள்ளது.

“இன்சூரன்ஸ் க்ளெய்ம்கள் அல்லது பிற தரப்பினரிடம் பணம் கேட்பதற்காக குற்றவாளிகள் வேண்டுமென்றே போக்குவரத்து விபத்துக்களை ஏற்படுத்திய சம்பவங்கள் நடந்துள்ளன.

சில சமயங்களில் வன்முறை அல்லது மிரட்டல் அச்சுறுத்தல்களும் சேர்ந்துகொள்கின்றன. தேவைப்படும் இடங்களில் ஆதரவுக்காக அதிகாரிகளைத் தொடர்பு கொள்ளவும் அறிவுறுத்தப்பட்டுள்ளார்கள்.