எலான் மஸ்க்கை வங்கதேசத்திற்கு அழைத்த முகமது யூனுஸ்

தொழில்நுட்ப கோடீஸ்வரரும் அமெரிக்க அதிபர் டொனால்ட் டிரம்பின் ஆலோசகருமான எலோன் மஸ்க்கை வங்கதேசத்திற்கு வருகை தந்து அங்கு ஸ்டார்லிங்க் செயற்கைக்கோள் சேவையைத் தொடங்குமாறு டாக்கா அழைத்ததாக தெரிவிக்கப்பட்டுள்ளது.

மஸ்க்கிற்கு எழுதிய கடிதத்தில், வங்கதேசத்தின் தலைமை ஆலோசகர் பேராசிரியர் முகமது யூனுஸ், ஸ்டார்லிங்கின் இணைப்பை நாட்டின் உள்கட்டமைப்பில் ஒருங்கிணைப்பது அதன் இளைஞர்கள் மற்றும் பெண்கள் மீது மாற்றத்தை ஏற்படுத்தும் என்று குறிப்பிட்டார்.

இந்த முன்னணி தொழில்நுட்பத்தின் முக்கிய பயனாளிகளில் ஒருவராக இருக்கும் இளம் வங்கதேச ஆண்கள் மற்றும் பெண்களைச் சந்திக்க வங்கதேசத்திற்கு தனது வருகை உதவும் என்று ஸ்பேஸ்எக்ஸ் மற்றும் டெஸ்லா தலைமை நிர்வாக அதிகாரியிடம் யூனுஸ் தெரிவித்துள்ளார்.

“சிறந்த எதிர்காலத்திற்கான நமது பரஸ்பர பார்வையை வழங்க நாம் ஒன்றிணைந்து செயல்படுவோம்” என்று நோபல் பரிசு பெற்ற யூனுஸ் கடிதத்தில் தெரிவித்துள்ளார்.

“வங்கதேசத்தின் உள்கட்டமைப்பில் ஸ்டார்லிங்கின் இணைப்பை ஒருங்கிணைப்பது, குறிப்பாக வங்கதேசத்தின் தொழில்முனைவோர் இளைஞர்கள், கிராமப்புற மற்றும் பாதிக்கப்படக்கூடிய பெண்கள் மற்றும் தொலைதூர மற்றும் பின்தங்கிய சமூகங்களுக்கு மாற்றத்தை ஏற்படுத்தும்” என்று அந்தக் ககடிதத்தில் தெரிவிக்கப்பட்டுள்ளது.