ஜெனின் அகதிகள் முகாமை இஸ்ரேல் இடித்தது

காசா போர் நிறுத்த ஒப்பந்தத்தின் முதல் கட்டம் நிறைவடையும் தருவாயில் உள்ள நிலையில், ஆக்கிரமிக்கப்பட்ட மேற்குக் கரையில் உள்ள ஜெனின் அகதிகள் முகாமை இஸ்ரேல் இடித்துள்ளது.

ஜெனின் மற்றும் துல்கரேம் அகதிகள் முகாம்களில் இருந்து ஏற்கனவே 40,000 பேர் வரை வெளியேறிவிட்டதாகத் தெரிவிக்கப்படுகிறது.

காசா போர் நிறுத்த ஒப்பந்தம் முறிந்ததை அடுத்து, மேற்குக் கரையில் இஸ்ரேலிய ராணுவம் கடும் தாக்குதலைத் தொடங்கியது.

காசாவைப் போன்ற முறையில் அகதிகளை பெருமளவில் வெளியேற்றுவதும், பல ஆண்டுகளாக இராணுவ இருப்பைப் பராமரிப்பதும் இதன் நோக்கமாகும்.

ஜெனின் அகதிகள் முகாமில் வசிக்கும் மக்கள், 1948 ஆம் ஆண்டு இஸ்ரேல் நிறுவப்பட்டபோது தங்கள் வீடுகளில் இருந்து இடம்பெயர்ந்தவர்கள் ஆவர்.

பல வாரங்களாக ஆக்கிரமிப்புக்குப் பிறகு பாலஸ்தீனத்தின் மிகப்பெரிய அகதிகள் முகாமான ஜபாலியாவை இஸ்ரேல் காலி செய்ததைப் போலவே ஜெனினிலும் இஸ்ரேல் மீண்டும் மீண்டும் செயல்படுகிறது என்று ஜெனின் நகராட்சி செய்தித் தொடர்பாளர் பஷீர் மாத்தஹின் கூறினார்.

ஜெனின் அகதிகள் முகாம் வாழத் தகுதியற்றதாகிவிட்டது. இந்த முகாமில் உள்ள வீடுகளையும் உள்கட்டமைப்பையும் இராணுவம் 12 புல்டோசர்களைப் பயன்படுத்தி இடித்து வருகிறது.

ஒரு ஏக்கர் பரப்பளவில் தண்ணீர் தொட்டிகள் மற்றும் ஜெனரேட்டர்களைக் கொண்டு வந்து நீண்டகால தளத்திற்கு இராணுவப் பொறியாளர்கள் குழு தயாராகி வருகிறது.