ஆர்மீனியாவுக்கு அழைத்துச் செல்லப்படும் ஈரானில் உள்ள இந்திய மாணவர்கள்

ஈரானில் படிக்கும் யூனியன் பிரதேசத்தைச் சேர்ந்த மாணவர்கள் ஆர்மீனியாவுக்கு அழைத்துச் செல்லப்பட்டு, அங்கிருந்து வீட்டிற்கு அழைத்து வரப்படுவார்கள் என்று ஜம்மு காஷ்மீர் முதல்வர் உமர் அப்துல்லா தெரிவித்துள்ளார்.

“நான் வெளியுறவு அமைச்சகத்துடன் தொடர்ந்து தொடர்பில் இருக்கிறேன், வெளியுறவு அமைச்சர் எஸ். ஜெய்சங்கருடன் பேசினேன், முதலில் ஒரு திட்டத்தின் கீழ், அதிக ஆபத்து உள்ள பகுதிகளிலிருந்து, குறிப்பாக தெஹ்ரான் மற்றும் இஸ்ஃபஹானில் இருந்து மாணவர்கள் வெளியேற்றப்படுவார்கள் என்று அவர் எனக்கு உறுதியளித்தார்,” என்று அப்துல்லா தெரிவித்துள்ளார்.

முதலில் மாணவர்களை ஆபத்து குறைவாக உள்ள கும்மிற்கு வெளியேற்றுவதே திட்டம் என்றும், ஆனால் விமான நிலையங்கள் மற்றும் துறைமுகங்கள் மூடப்பட்டிருப்பதால், “அவர்கள் ஆர்மீனியாவிற்கு நிலம் வழியாக செல்லப்படுவார்கள், அங்கு இருந்து அவர்கள் பாதுகாப்பாக வீட்டிற்கு அழைத்து வரப்படுவார்கள்” என்றும் அவர் குறிப்பிட்டுள்ளார்.