ஐரோப்பிய ஒன்றிய நாடுகளுக்கு பதிலடி கொடுத்தது சீனா

சீனாவில் தயாரிக்கப்படும் மின்சார வாகனங்களுக்கு பெரும்பாலான ஐரோப்பிய யூனியன் நாடுகள் வரி விதித்துள்ளன.

இந்த நிலையில், அதற்கு பதிலடி கொடுக்கும் வகையில், ஐரோப்பாவில் இருந்து வரும் மதுபானத்திற்கு (பிராந்தி) 30 முதல் 39 சதவீதம் வரை தற்காலிக வரி விதிக்கப்படும் என சீனா அறிவித்துள்ளது.

ஐரோப்பிய நாடுகள் வரிகளை அறிவித்த நான்கு நாட்களுக்குப் பிறகு சீன அரசாங்கம் பதிலளித்தது.

ஐரோப்பாவில் மின்சார வாகனங்களுக்கு 35 சதவீத வரி இம்மாத இறுதிக்குள் அமலுக்கு வரும்.

ஐரோப்பிய ஒன்றியம் கட்டணங்களை மறுபரிசீலனை செய்ய தயாரா என்பதை அனைவரும் எதிர்பார்த்துக் கொண்டிருக்கின்றனர்.

ஐரோப்பிய பிராந்தியின் இறக்குமதி அதிகரிப்பால் உள்நாட்டு உற்பத்தியாளர்களுக்கு பெரும் நஷ்டம் ஏற்படுவதாக சீனாவின் வர்த்தக அமைச்சகம் கடந்த மாதம் தெரிவித்தது.