லிட்ரோ சமையல் எரிவாயுவின் விலையில் மாற்றம்!

லிட்ரோ எரிவாயுவின் விலை இன்று (04) திருத்தியமைக்கப்படவுள்ளது.

மாதாந்த கட்டண திருத்தத்தின் பிரகாரம் இவ்வருட எரிவாயு விலை திருத்தம் தொடர்பான விலைகள் இன்று அறிவிக்கப்படும் என நிறுவனத்தின் தலைவர் முதித பீரிஸ் தெரிவித்தார்.

எனினும் தற்போது உலக சந்தையில் எரிவாயுவின் விலை அதிகரித்துள்ளதோடு ஒரு மெட்ரிக் தொன் 85 அமெரிக்க டொலர்களுக்கு மேல் அதிகரித்துள்ளது. அந்த சூழ்நிலையை கருத்தில் கொண்டு, எரிவாயு விலை திருத்தம் அறிவிக்கப்படும் எனக் கூறப்படுகிறது.

கடந்த மாதம் இடம்பெற்ற விலைத் திருத்தத்தின் பிரகாரம், 12.5 கிலோ கிராம் எரிவாயு சிலிண்டரின் விலையை 204 ரூபாவினாலும், 5 கிலோ கிராம் எரிவாயு சிலிண்டரின் விலையை 83 ரூபாவினாலும், 2.3 கிலோ கிராம் எரிவாயு சிலிண்டரின் விலையை 37 ரூபாவினாலும் குறைக்க லிட்ரோ நிறுவனம் நடவடிக்கை எடுத்துள்ளது.