அஜர்பைஜான் தேர்தல்: வாக்கெடுப்பில் ஜனாதிபதி இல்ஹாம் அலியேவ் வெற்றி

அஜர்பைஜான் ஜனாதிபதி இல்ஹாம் அலியேவ் 92% வாக்குகளைப் பெற்று தொடர்ந்து ஐந்தாவது முறையாக ஆட்சியைப் பிடித்துள்ளார் என தேர்தல் அதிகாரிகள் தெரிவித்துள்ளனர்.

முக்கிய போட்டிக் கட்சிகள் தேர்தலைப் புறக்கணித்தன என்பது குறிப்பிடத்தக்கது.

ஜனாதிபதி மீண்டும் தேர்ந்தெடுக்கப்பட்டதைக் கொண்டாட ஆயிரக்கணக்கான ஆதரவாளர்கள் தலைநகர் பாகுவில் வீதிகளில் இறங்கினர்.

அலியேவ் 92.05% வாக்குகளைப் பெற்றதாகவும், 93% வாக்குகள் எண்ணப்பட்டதாகவும், சுமார் 76% வாக்குகள் பதிவாகியுள்ளதாகவும் தேர்தல் அதிகாரிகளை அரசு ஊடகங்கள் மேற்கோள் காட்டின.

அலியேவின் தேர்தல் வெற்றிக்கு துருக்கி அதிபர் ரிசெப் தையிப் எர்டோகன், சீன அதிபர் ஜி ஜின்பிங் மற்றும் ஈரான் அதிபர் இப்ராஹிம் ரைசி உட்பட பல வெளிநாட்டு தலைவர்கள் வாழ்த்து தெரிவித்துள்ளனர்.