5 இல் 2 அவுஸ்திரேலியர்கள் வன்முறைக்கு உள்ளாகின்றனர் என அவுஸ்திரேலிய கணக்கெடுப்பொன்று தெரிவிக்கின்றது

40 சதவீதத்துக்கும் அதிகமான அவுஸ்திரேலியர்கள் 15 வயதை எட்டியதில் இருந்து வன்முறையை அனுபவித்துள்ளனர் என்று தனிப்பட்ட பாதுகாப்பு தகவல்கள் தெரிவிக்கின்றன.

அவுஸ்திரேலிய புள்ளிவிபரத்திணைக்களம்  (ABS) வெளியிட்ட சமீபத்திய தனிநபர் பாதுகாப்பு ஆய்வின் (PSS) முடிவுகளின்படி, 8 மில்லியன் அவுஸ்திரேலியர்கள் 15 வயதுக்கு மேற்பட்டவர்களில்  41 சதவீதம் பேர் உடல் அல்லது பாலியல் வன்முறைக்கு ஆளாகியுள்ளனர் என தெரிவிக்கப்படுகின்றது.

மேலும், இந்த தரவுகளின் படி ஆண்களை விட பெண்கள் பாலியல் வன்முறையை எதிர்கொள்ளும் வாய்ப்பு மூன்று மடங்கு அதிகம், மேலும் அவர்களுக்குத் தெரிந்த ஒருவரிடமிருந்து வன்முறையை அனுபவிக்கும் வாய்ப்பும் உள்ளது எனவும் தெரிவிக்கப்படுகின்றது.

ஆறில் ஒரு பெண்ணும், 13 ஆண்களில் ஒருவரும் இணைந்து வாழும் துணையிடமிருந்து பொருளாதார துஷ்பிரயோகத்தை அனுபவித்திருக்கிறார்கள் எனவும் தெரிவிக்கப்பட்டுள்ளது.

43 சதவீத ஆண்களும், 39 சதவீத பெண்களும் 15 வயதிலிருந்தே உடல் ரீதியாகவோ அல்லது பாலியல் ரீதியாகவோ வன்முறையை அனுபவித்துள்ளனர் என்று ஏபிஎஸ் குற்றவியல் மற்றும் நீதிப் புள்ளியியல் துறைத் தலைவர் மிச்செல் டுகாட் தனது ஊடக வெளியீட்டில் தெரிவித்துள்ளார்.