எல் போபோ எரிமலை புகை மூட்டத்தை உமிழத் தொடங்கியது

மெக்சிகோவின் Popocatepetl, “El Popo” என்று அன்புடன் அழைக்கப்படும் எரிமலை சமீபத்தில் அதன் உமிழும் செயல்பாட்டை தீவிரப்படுத்தியுள்ளது.

இது நாட்டின் இயங்கு நிலையில் உள்ள எரிமலைகளில் ஒன்றாகும்.

ராய்ட்டர்ஸ் அறிக்கையின்படி, வியாழக்கிழமை (மே 25) எரிமலையில் இருந்து சாம்பல் மற்றும் புகை வெடிப்பதை காணொயி காட்டுகிறது.

வியாழக்கிழமை நிலவரப்படி எரிமலை குறைந்த சாம்பல் உள்ளடக்கத்துடன் நீராவி மற்றும் வாயுவின் தொடர்ச்சியான உமிழ்வை பராமரிக்கிறது என்று சிவில் பாதுகாப்பிற்கான தேசிய ஒருங்கிணைப்பு தெரிவித்துள்ளது.

இந்த வார தொடக்கத்தில் எரிமலை சாம்பலால் பல நகரங்கள் பாடசாலைகளை மூடியது மற்றும் மெக்சிகோ நகரின் பெனிட்டோ ஜுவாரெஸ் சர்வதேச விமான நிலையம் சனிக்கிழமை (மே 20) ஐந்து மணி நேரத்திற்கும் மேலாக செயல்பாடுகளை நிறுத்த வேண்டியிருந்தது.

குறைந்த அலைவீச்சு நடுக்கம் தெரிவிக்கப்பட்டது மற்றும் புகை மற்றும் சாம்பல் தெற்கு-தென்கிழக்கு திசையில் 400 முதல் 600 மீட்டர் உயரத்தை எட்டியது.

பியூப்லா மாநிலத்தில் உள்ள சாண்டியாகோ சாலிட்ஜின்ட்லா மற்றும் சான் நிக்கோலஸ் டி லாஸ் ராஞ்சோஸ் ஆகிய நகரங்களில் வசிப்பவர்கள் எரிமலைச் செயல்பாடு குறித்து எச்சரிக்கையாக இருப்பதாக செய்தி நிறுவனம் தெரிவித்துள்ளது.