நியூயோர்க்கில் இலவச பரிசு வழங்குவதாக வெளியான அறிவிப்பு – மக்கள் குவிந்தமையால் பதற்றம்

நியூயோர்க் நகரில் பெரிய பரிசை இலவசமாக வழங்கப்போவதாக இணையத்தில் வெளியான தகவலையடுத்து ஆயிரக்கணக்கானோர் கூடியதால் பதற்றமான சூழல் ஒன்று ஏற்பட்டுள்ளது.

இதன் போது இந்த கூட்டத்தைக் கலைக்க நூற்றுக்கணக்கான பொலிஸ் அதிகாரிகள் களமிறக்கப்பட்டனர்.

Kai Cenat நிறுவனம் நியூயார்க் நகரில் பெரிய பரிசு ஒன்றை வழங்கப்போவதாகத் தமது Instagram பக்கத்தில் தெரிவித்திருந்தார்.

அவர் இலவசமாக PlayStation 5 கருவிகளை வழங்கவிருந்ததாகக் கூறப்படுகிறது. அந்த நிகழ்ச்சி தொடங்குவதற்கு முன்பே மக்கள் கூட்டம் அலைமோதியது. கடையின் கூரை, காரின் மேல் என எங்கும் மக்கள் அலைமோத ஆரம்பித்துள்ளனர்.

சிலர் போத்தல்களையும் நாற்காலிகளையும் தூக்கி வீசுவது ஹெலிகாப்டரிலிருந்து எடுக்கப்பட்ட காணொளிகளில் தெரிகிறது.

எதனால் ஆரவாரம் தொடங்கியது என்பது தெரியவில்லை. செனட் வந்திருந்த காரையும் மக்கள் விட்டுவைக்கவில்லை. சம்பவ இடத்திலிருந்து கார் கிளம்பியபோது காரிலிருந்து ஒருவர் விழுந்தார்.

எத்தனைப் பேர் கைது செய்யப்பட்டனர் என்ற விவரங்கள் இன்னும் வெளியிடப்படவில்லை.