கேட்டின் புற்றுநோய் செய்தி: இளவரசர் ஹரி மற்றும் மேகன் வெளியிட்ட அறிக்கை
ஹாரியின் மூத்த சகோதரர் வில்லியமின் மனைவி கேட் புற்றுநோயைக் கண்டுபிடித்ததைத் தொடர்ந்து சிகிச்சை பெற்று வருவதாக அறிவித்த பின்னர், வெள்ளிக்கிழமையன்று அவருக்கு ஆரோக்கியம் மற்றும் தனியுரிமையை விரும்புவதாகத் தெரிவித்துள்ளார்.
“கேட் மற்றும் குடும்பத்திற்கு ஆரோக்கியம் மற்றும் குணமடைய நாங்கள் விரும்புகிறோம், மேலும் அவர்கள் தனிப்பட்ட முறையில் மற்றும் அமைதியுடன் அவ்வாறு செய்ய முடியும் என்று நாங்கள் நம்புகிறோம்” என்று சசெக்ஸின் டியூக் மற்றும் டச்சஸ் ஹாரி மற்றும் மேகன் ஒரு அறிக்கையில் தெரிவித்துள்ளனர்.
தாம் புற்றுநோயால் பாதிக்கப்பட்டுள்ளதாகவும் தற்போது கீமோதெரபி சிகிச்சைக்கு உட்படுத்தப்பட்டுள்ளதாகவும் வேல்ஸ் இளவரசி கேட் மிடில்டன் காணொளி ஒன்றில் பகிர்ந்திருந்தார்.
மேலும், வயிற்று அறுவை சிகிச்சையின் போதே புற்றுநோய் பாதிப்பு கண்டறியப்பட்டது என்றும் கேட் குறிப்பிட்டுள்ளார். மட்டுமின்றி, இந்த தருணத்தை நன்றி கூறுவதற்கு பயன்படுத்த இருப்பதாகவும், தனிப்பட்ட முறையில் உங்கள் அன்புக்கும் ஆதரவுக்கும், நிலைமையை புரிந்துகொண்டமைக்கும் நன்றி என குறிப்பிட்டுள்ளார்.
மேலும், மூன்றாம் சார்லஸ் மன்னர் கேத்தரின் புற்றுநோய்க்கான சிகிச்சையைப் பற்றி பேசுவதில் “அவரது தைரியத்திற்காக மிகவும் பெருமைப்படுகிறார்” என்று பக்கிங்ஹாம் அரண்மனை தெரிவித்துள்ளது.
