இந்தியாவில் திருமணத்தில் ஒளிபரப்பப்பட்ட பிரபல பாடல் : சோகத்தில் முடிந்த திருமணம்!
இந்தியாவில் இடம்பெற்ற திருமண விழாவில், மணமகன் பிரபலமான பாலிவுட் பாடலுக்கு நடனமாடியதால், அந்த விழா சோகமாக மாறியதாக இந்திய ஊடகங்கள் செய்தி வெளியிட்டுள்ளன.
டெல்லியில் இடம்பெற்ற திருமண நிகழ்வில் பிரபல இந்தி பாடலான “சோலி கே பீச்சே க்யா ஹை” பாடலுக்கு மணமகன் நடனமாடியதால் கோபமடைந்த மணமகளின் தந்தை திருமண விழாவை நிறுத்தியதாக தெரிவிக்கப்படுகுிறது.
மணமகன் தனது திருமண ஊர்வலத்துடன் திருமண மண்டபத்திற்கு வருகையில், அவரது நண்பர்கள் அவரை நடனமாட அழைக்கிறார்கள்.
90களின் மிகவும் பிரபலமான பாலிவுட் பாடலான “சோலி கே பீச்சே கியா ஹை” பாடல் அந்த நிகழ்வில் இசைக்கப்பட்டது.
தனது திருமணத்தில் மிகுந்த மகிழ்ச்சியடைந்த மணமகன், தனது தோழிகளின் அழைப்பை ஏற்று பாடலுக்கு நடனமாடினார்.
அங்கிருந்த விருந்தினர்கள் அவரை உற்சாகப்படுத்தி தங்கள் மகிழ்ச்சியை வெளிப்படுத்தியதாகக் கூறப்படுகிறது.
ஆனால் நேரம் செல்ல செல்ல, விழாவில் இருந்தவர்கள் அவரது நடனம் மணமகளின் தந்தைக்கு அவ்வளவாகப் பிடிக்கவில்லை என்று கூறினர்.
இதற்கிடையில், மணமகளின் தந்தை விழாவையும் திருமணத்தையும் நிறுத்த நடவடிக்கை எடுத்தார்.
மணமகனின் நடனம் தனது குடும்பத்தின் கௌரவத்திற்கு அவமானம் என்று கூறி, மணமகளின் தந்தை திருமண மண்டபத்திலிருந்து வெளியேறியதாக இந்திய ஊடகங்கள் செய்தி வெளியிட்டுள்ளன.
மணமகன் வேடிக்கைக்காக மட்டுமே பாடலுக்கு நடனமாடுவதாக விளக்க எவ்வளவோ முயன்றும், மணமகளின் தந்தை அதை ஏற்கவில்லை என்று கூறப்படுகிறது.
அந்த நேரத்தில் மணமகளும் அழுது கொண்டிருந்தாள், ஆனால் தந்தையின் முடிவில் எந்த மாற்றமும் இல்லை.
மேலும், தந்தை அவளைக் கண்டித்ததாகவும், மணமகனுடனோ அல்லது அவரது குடும்பத்தைச் சேர்ந்த எவருடனோ இனிமேல் தொடர்பு கொள்ளக் கூடாது என்றும் தடை விதித்ததாகவும் கூறப்படுகிறது.
இந்த சம்பவம் இந்தியாவில் சமூக ஊடக தளங்களில் மிக விரைவாகப் பரவியதாகவும், இந்திய ஊடகங்கள் பல்வேறு தலைப்புச் செய்திகள் மூலம் இந்தச் செய்தியைப் புகாரளித்ததாகவும் தெரிவிக்கப்படுகிறது.
(Visited 3 times, 3 visits today)
