ரொறன்ரோவில் வாடகை வீடுகளுக்கு எதிர்பார்த்த மக்களுக்கு அதிர்ச்சி கொடுத்த பெண்

ரொறன்ரோவில் வாடகை மோசடி விசாரணையில் தேடப்பட்டு வந்த பெண் ஒருவர் கைது செய்யப்பட்டுள்ளார்.

வீடுகளை வாடகைக்கு விடுவதாக ஏமாற்றி மக்களிடம் மோசடி செய்த பெண் ஒருவரை கனடிய பொலிஸார் தேடி வந்த நிலையில் இந்த கைது சம்பவம் இடம்பெற்றுள்ளது.

26 வயதான லாரிசா ரீசென்டென்ஸ் லோபஸ் என்ற பெண்ணே இவ்வாறு மோசடிகளில் ஈடுபட்டுள்ளதாகத் தெரிவிக்கப்படுகின்றது.

எவ்வித அதிகாரமும் இன்றி, வீடுகளை வாடகைக்கு விடுவதாக கூறி இந்தப் பெண் பணத்தை மோசடி செய்துள்ளார்.

கடந்த ஆண்டு ஜூன் மற்றும் ஒகஸ்ட் மாதங்களுக்கு இடைப்பட்ட காலத்தில் இந்த பெண் ரொறன்ரோவில் உள்ள அடுக்குமாடி குடியிருப்புகளை வாடகைக்கு விடுவதாக இணையதளங்களில் விளம்பரம் செய்ததாக ரொறன்ரோவில் பொலிஸார் தெரிவித்துள்ளனர்.

வருங்கால வாடகைத்தாரர்கள் ஒரு அடுக்குமாடி குடியிருப்பிற்கான வைப்புத்தொகையை வழங்குவார்கள், ஆனால் பின்னர் தொடர்பு கொண்டு அந்த குடியிருப்பு இனி கிடைக்காது என்று கூறுவார்கள்.

பின்னரே அடுக்குமாடி குடியிருப்பைக் காட்டவோ அல்லது வாடகைக்கு எடுக்கவோ அந்தப் பெண்ணுக்கு அதிகாரம் இல்லை என்பதை பாதிக்கப்பட்டவர்கள் அறிந்தனர்.

பலர் இந்த மோசடியில் சிக்கியுள்ளதாகவும், மோசடியில் சிக்கியோர் எண்ணிக்கை மேலும் அதிகரிக்கக் கூடும் எனவும் பொலிஸார் சந்தேகம் வெளியிட்டுள்ளனர்.