ஃப்ரீடம் எட்ஜ் என்று அழைக்கப்படும் கூட்டு கடற்பயிற்சியை ஆரம்பித்த 03 நாடுகள்!

அமெரிக்கா, தென் கொரியா மற்றும் ஜப்பான் ஆகிய நாடுகள் இன்று (15.09) தங்களின் கூட்டு கடற்படை பயிற்சியை ஆரம்பித்துள்ளன.

ஃப்ரீடம் எட்ஜ் என்று அழைக்கப்படும் இந்தப் பயிற்சி, கடல், வான் மற்றும் சைபர்ஸ்பேஸில் நாடுகளின் ஒருங்கிணைந்த செயல்பாட்டுத் திறன்களை வலுப்படுத்துவதை நோக்கமாகக் கொண்டுள்ளது.

மேலும் வட கொரியாவின் வளர்ந்து வரும் அணுசக்தி மற்றும் ஏவுகணை அச்சுறுத்தல்களை எதிர்கொள்ள இது அவசியம் என்று தென் கொரியாவின் பாதுகாப்பு அமைச்சகம் தெரிவித்துள்ளது.

இந்தப் பயிற்சியில் அமெரிக்க கடல் மற்றும் விமானப்படை வான்வழிப் பயிற்சிகள் அடங்கும் என்றும், மேம்படுத்தப்பட்ட பாலிஸ்டிக்-ஏவுகணை மற்றும் வான் பாதுகாப்புப் பயிற்சிகள், மருத்துவ வெளியேற்றங்கள் மற்றும் கடல்சார் நடவடிக்கைப் பயிற்சிகள் இடம்பெறும் என்றும் அமெரிக்க இந்தோ-பசிபிக் கட்டளை தெரிவித்துள்ளது.

எவ்வாறாயினும் இந்த கூட்டு பயிற்சியை  வடகொரியா கூர்ந்து கவனித்து வருகின்றமை குறிப்பிடத்தக்கது.