37 ஆண்டுகளுக்குப் பிறகு உலகின் மிகப்பெரிய பனிப்பாறைக்கு ஏற்பட்டுள்ள பாதிப்பு

உலகின் மிகப்பெரிய பனிப்பாறை 37 ஆண்டுகளுக்குப் பிறகு மீண்டும் மிதக்கத் தொடங்கியுள்ளது.

A23a என்று பெயரிடப்பட்ட இந்தப் பனிப்பாறை, 1986 ஆம் ஆண்டு அண்டார்டிகாவில் உள்ள ஒரு பனிப்பாறையிலிருந்து பிரிந்தது.

தற்போது அது கென்பெராவை விட நான்கு மடங்கு பெரியது என்று ஊடக அறிக்கைகள் குறிப்பிடுகின்றன.

சுமார் ஒரு டிரில்லியன் டன் பனிக்கட்டி எடையுள்ள இது 3,100 சதுர கிலோமீட்டர் பரப்பளவைக் கொண்டுள்ளது மற்றும் கிட்டத்தட்ட 300 மீட்டர் உயரம் கொண்டது.

இந்தப் பகுதி அதிக எண்ணிக்கையிலான பென்குயின்களின் தாயகமாக இருப்பதாகவும், இது மில்லியன் கணக்கான கடல்வாழ் உயிரினங்களுக்கு கடுமையான தாக்கத்தை ஏற்படுத்தும் என்றும் சுற்றுச்சூழல் ஆர்வலர்கள் சுட்டிக்காட்டுகின்றனர்.

உலகின் மிகப்பெரிய பனிப்பாறை தற்போது தெற்கு ஜோர்ஜியா கடற்கரையிலிருந்து 80 கிலோமீட்டர் தொலைவில் சிக்கியுள்ளதாக வெளிநாட்டு ஊடகங்கள் தெரிவிக்கின்றன.

அண்டார்டிக் பனிப்படலங்கள் உருகுவதற்கு புவி வெப்பமடைதல் தான் காரணம் என்று சுற்றுச்சூழல் ஆர்வலர்கள் எச்சரிக்கின்றனர்.