சுவிஸில் அமலாகும் நடைமுறை – மீறினால் ஆயிரம் சுவிஸ் பிராங்க் அபராதம்

சுவிட்சர்லாந்தில் முகத்தை மூடியபடி பொது வெளிகளில் வருவதற்கு தடை விதிக்கப்பட்டிருக்கும் நடைமுறை வரும் ஜனவரி முதலாம் திகதி முதல் நடைமுறைக்கு வரவிருப்பதாக அரசாங்கம் அறிவித்துள்ளது.

பல்வேறு மக்களின் எதிர்ப்புகளையும் தாண்டி, இந்த நடவடிக்கை எடுக்கப்பட்டுள்ள நிலையில் மீறினால், ஆயிரம் சுவிஸ் பிராங்க் அபராதம் விதிக்கப்படும் என்றும் அறிவிக்கப்பட்டுள்ளது.

பல்வேறு சர்ச்சைகளுக்குள்ளாகியிருக்கும் புர்காவுக்குத் தடை என்பது, வரும் ஜனவரி முதலாம் திகதி முதல் நடைமுறைக்கு வரவுள்ளது.

சில விதிவிலக்களுடன் இது நடைமுறைப்படுத்தப்பட்டாலும், விதியை மீறினால் அபராதம் விதிக்க முடிவு செய்யப்பட்டிருப்பதாக, பெடரல் கவுன்சில் அறிவித்துள்ளது.

சுவிட்சர்லாந்தில், இது தொடர்பான தீர்மானம் கடந்த 2021ஆம் ஆண்டு நிறைவேற்றப்பட்டது. இதற்கு முஸ்லிம் அமைப்புகள் கடுமையான விமர்சனத்தை முன்வைத்திருந்தது. அதே வேளையில், விமானங்களுக்குள், தூதரக, தூதரக வளாகங்களில் இந்த தடை உத்தரவு அமல்படுத்தப்படாது, வழிபாட்டுத் தலங்கள், பிற புனித தளங்களிலும், மசூதிகளுக்கும் இந்த உத்தரவு பொருந்தாது என்றும் ஆளும் பெடரல் கவுன்சில் சார்பில் தெரிவிக்கப்பட்டுள்ளது.

உடல்நிலை மற்றும் பாதுகாப்புக் காரணங்களுக்காக முகத்தை மறைத்துக்கொள்ளலாம், ஆனால், மத ரீதியாக அல்லது தட்பவெப்ப நிலை காரணமாக செய்யக் கூடாது என்றும் கூறப்பட்டுள்ளது. சிலர் தங்களை வெளிப்படுத்திக் கொள்ள விரும்பாத போது, முகத்தை மூடிக்கொள்ளவும் முன் அனுமதி பெற்று வரலாம் என்றும் கூறப்படுகிறது.

See also  திறமையான தொழிலாளர்களை ஈர்ப்பதற்காக சுவீடன் முன்னெடுத்துள்ள புதிய திட்டம்!

தொடர்புடைய செய்திகள்:

ஜேர்மனியில் நூற்றுக்கணக்கான விமானங்கள் இரத்து! பிரித்தானியாவில் கணினி பிரிவின் பிழையால் கடும் நெருக்கடியில் புலம்பெயர்ந்தோர் ரஷ்யா தேர்தல் 2024: வாக்குப்பதிவுகள் ஆரம்பம்- புடின் வெற்றி நிச்சயம்! முகத்திற்கு அழகு சேர்க்க பிளாஸ்டிக் சேர்ஜரி செய்த பெண் : இறுதியில் நேர்ந்த விபரீதம்! பிரான்ஸில் சைக்கிளில் சென்ற குழந்தைகளுக்கு காத்திருந்த அதிர்ச்சி! பிரான்சில் வன்முறை செயலுக்கு திட்டமிட்ட 26 வயது ரஷ்ய-உக்ரேனிய நபர் கைது