இலங்கையில் அதிகரிக்கும் புற்றுநோயாளர்கள் : 19,000 பேர் உயிரிழப்பு!

இலங்கையில் புற்றுநோயாள் பாதிக்கப்படுவோரின் எண்ணிக்கை அதிகரித்து வருகின்ற நிலையில் சுகாதார அதிகாரிகள் கவலை எழுப்பியுள்ளனர்.

கடந்த ஆண்டு 33,000 க்கும் அதிகமான புதிய நோயாளர்கள் கண்டறியப்பட்டுள்ள நிலையில்   19,000 இறப்புகள் பதிவாகியுள்ளதாக தெரிவிக்கப்படுகிறது.

ஆண்கள் மத்தியில் வாய் புற்றுநோயானது மிகவும் பொதுவானது எனவும், அதேவேளை மார்பக புற்றுநோயானது பெண்களுக்கான முன்னணி நோயறிதலாகவும் உள்ளது எனவும் வைத்திய நிபுணர் குறிப்பிட்டுள்ளார்.

உள்நாட்டிலும் உலக அளவிலும் புற்றுநோயின் பெருகிவரும் சுமையை எடுத்துரைத்த அவர், 2050 ஆம் ஆண்டில் உலகளவில் புற்றுநோய் பாதிப்புகள் 77% அதிகரிக்கும் என்றும் எச்சரித்துள்ளனர்.

இந்த எழுச்சியை சமாளிக்க, புகையிலை பயன்பாடு, மது அருந்துதல், ஆரோக்கியமற்ற உணவுப் பழக்கம் மற்றும் உடல் உழைப்பு இல்லாமை போன்ற ஆபத்து காரணிகளைக் குறைப்பதில் கவனம் செலுத்துமாறு இலங்கையர்களிடம் வைத்தியர்கள் கோரிக்கை விடுத்துள்ளனர்.