சத்தீஸ்கரில் வாகனம் கவிழ்ந்ததில் 4 பேர் மரணம் – 30 பேர் காயம்

சத்தீஸ்கரின் பஸ்தார் மாவட்டத்தில் சிறியரக சரக்கு வாகனம் கவிழ்ந்ததில் மூன்று பெண்கள் உட்பட நான்கு பேர் கொல்லப்பட்டனர் மற்றும் கிட்டத்தட்ட 30 பேர் காயமடைந்தனர் என்று போலீசார் தெரிவித்தனர்.

பாதிக்கப்பட்டவர்கள் வாராந்திர சந்தையில் இருந்து கோலேங் கிராமத்திற்குத் திரும்பிக் கொண்டிருந்தபோது சந்தமேட்டா கிராமத்திற்கு அருகே இந்த விபத்து நடந்ததாக காவல்துறை அதிகாரி ஒருவர் தெரிவித்தார்.

சிறியரக சரக்கு வாகன ஓட்டுநர், ஏறக்குறைய 30 பேருடன், கட்டுப்பாட்டை இழந்தார், அதைத் தொடர்ந்து அது சாலையில் இருந்து சறுக்கி கவிழ்ந்தது என்றார்.

காயமடைந்தவர்களில் சிலர் கோலெங்கில் உள்ள ஆரம்ப சுகாதார நிலையத்தில் அனுமதிக்கப்பட்டுள்ளனர், மற்றவர்கள் தர்பாவில் உள்ள மருத்துவமனையில் சிகிச்சை பெற்று வருகின்றனர்.

விபத்து தொடர்பான மேலதிக விசாரணைகள் இடம்பெற்று வருவதாகவும் அவர் மேலும் தெரிவித்தார்.