மருத்துவ உதவியுடன் தற்கொலை செய்வதை சட்டபூர்வமாக்கும் நியூயார்க்

ஆளுநருக்கும் மாநில பாராளுமன்ற தலைவர்களுக்கும் இடையே எட்டப்பட்ட ஒப்பந்தத்தின் கீழ், மரணமடையும் நிலையில் உள்ளவர்களுக்கு மருத்துவ உதவியுடன் தற்கொலை செய்வதை சட்டப்பூர்வமாக்குவதற்கான சமீபத்திய மாநிலமாக நியூயார்க்(New York) மாற உள்ளது.

ஆளுநர் கேத்தி ஹோச்சுல்(Gov. Kathy Hochul), சட்டமியற்றுபவர்களுடன் ஒரு ஒப்பந்தத்தை மேற்கொண்ட பிறகு, இந்த திட்டத்தில் கையெழுத்திடுவதாக அறிவித்தார் என்று அல்பானி டைம்ஸ்(Albany Times) செய்தி வெளியிட்டுள்ளது.

வழக்கறிஞர்களின் கூற்றுப்படி, பல பிற மாநிலங்களும் கொலம்பியா(Columbia) மாவட்டமும் மருத்துவ உதவியுடன் தற்கொலையை அனுமதிக்கும் சட்டங்களைக் கொண்டுள்ளன.

இல்லினாய்ஸில்(Illinois) கடந்த வாரம் கையெழுத்திடப்பட்ட சட்டம் அடுத்த ஆண்டு நடைமுறைக்கு வருகிறது குறிப்பிடத்தக்கது.

நியூயார்க்கின் மரணமடையும் போது மருத்துவ உதவிச் சட்டத்தின்படி, இறக்கும் நிலையில் உள்ள ஒருவர் இதற்காக எழுத்துப்பூர்வ கோரிக்கையை வைக்க வேண்டும். எந்த வற்புறுத்தலும் இல்லை என்பதை உறுதிப்படுத்த இரண்டு சாட்சிகள் கையொப்பமிட வேண்டும் பின்னர் அவர்களின் மருத்துவரின் ஒப்புதல் தேவை.