சீனாவுடன் வர்த்தக ஒப்பந்தத்தில் கையெழுத்திடும் ட்ரம்ப் – நிறைவுக்கு வரும் வர்த்தக போர்!

தெற்காசிய நாடுகளுக்கு சுற்றுப்பயணம் மேற்கொண்டுள்ள ட்ரம்ப், சீனாவுடன் ஒரு வர்த்தக ஒப்பந்தத்தில் கையெழுத்திடுவார் என அமெரிக்க கருவூல செயலாளர் தெரிவித்துள்ளார்.

இந்த ஒப்பந்தத்தில் டிக்டொக்கின் (TikTok) அமெரிக்க செயல்பாடுகள், சீனாவின் அரிய மண் தாதுக்கள் மீதான கட்டுப்பாடுகள் ஆகியவை குறித்து விவாதிக்கப்பட்டு ஒப்பந்தம் ஒன்று எட்டப்படும் என அவர் குறிப்பிட்டுள்ளார்.

சர்வதேச அரங்கில் இவ்விரு நாடுகளின் மோதல் பாரிய பொருளாதார பிரச்சினைகளை ஏற்படுத்தி வருகின்ற நிலையில் இந்த சாதகமான முடிவு எட்டப்பட்டுள்ளது.

டிரம்ப் மற்றும் சீன அதிபர் ஜி ஜின்பிங் ( Xi Jinping) ஆகியோர் வரும் வியாழக்கிழமை பேச்சுவார்த்தை நடத்தவுள்ளனர்.

இந்நிலையில் இது தொடர்பில் கருத்து வெளியிட்டுள்ள சீன அரசாங்கம், இரு பேச்சுவார்த்தை குழுக்களும் “தங்கள் கவலைகளை நிவர்த்தி செய்வதற்கான ஏற்பாடுகள் குறித்து ஒரு அடிப்படை ஒருமித்த கருத்தை எட்டியுள்ளன” என்று   தெரிவித்துள்ளது.