நம்பிக்கை வாக்கெடுப்பில் தோல்வியடைந்த மங்கோலிய பிரதமர் பதவி விலகல்

மங்கோலிய (Mongolia) பிரதமர் கோம்போஜவ் ஜான்டன்ஷதர் (Gombozhav Zhantanshadar) நாட்டின் பாராளுமன்றத்தின் ஆதரவை இழந்ததால் பதவியேற்ற நான்கு மாதங்களில் பதவி விலகியுள்ளார்.

மங்கோலியாவின் 127 இடங்களைக் கொண்ட பாராளுமன்றத்தில் நம்பிக்கையில்லாத் தீர்மானம் நடைபெற்றது, வாக்களித்த 111 உறுப்பினர்களில் 71 உறுப்பினர்கள் ஜான்டன்ஷதரின் பதவி நீக்கத்தை ஆதரித்தனர், 40 பேர் எதிர்த்தனர்.

ஜான்டன்ஷதரின் நியமனம் மங்கோலிய அரசியலமைப்பின் கீழ் பாராளுமன்றத்துடன் ஆலோசிக்காமல் ஒருதலைப்பட்சமாக மேற்கொள்ளப்பட்டதாக பாராளுமன்ற உறுப்பினர்கள் குற்றம் சாட்டியுள்ளனர்.

2021 முதல் மங்கோலியாவின் அரச தலைவராகவும் ஜனாதிபதியாகவும் இருக்கும் உக்னாகின் குரேல்சுக் (Ukhnaagiin Khürelsükh) அடுத்த பிரதமரை பரிந்துரைப்பார் என்று எதிர்பார்க்கப்படுகிறது.

ரஷ்யாவில் படித்த முன்னாள் வங்கியாளரான கோம்போஜவ் ஜான்டன்ஷதர், முன்னர் வெளியுறவு அமைச்சர், அமைச்சரவை செயலகத்தின் தலைவர் மற்றும் மாநில கிரேட் குரால் (State Great Khural) பாராளுமன்றத்தின் சபாநாயகர் பதவிகளை வகித்துள்ளார்.