பண்டிகைக் காலங்களில் சாலை விபத்துகளின் எண்ணிக்கை அதிகரிப்பு
பண்டிகைக் காலம் ஆரம்பமாகியுள்ள நிலையில், சாதாரண நாட்களை விட வீதி விபத்துக்கள் அதிகரித்துள்ளதாக பொலிஸார் தெரிவிக்கின்றனர்.
புத்தாண்டு காலத்தில் கவனக்குறைவாக வாகனம் செலுத்துவதால் அடிக்கடி விபத்துக்கள் ஏற்படுவதால் வாகனங்களை ஓட்டும் போது அவதானமாக இருக்குமாறு பொலிஸ் ஊடகப் பேச்சாளர் பிரதி பொலிஸ் மா அதிபர் சட்டத்தரணி நிஹால் தல்துவ பொதுமக்களிடம் கோரிக்கை விடுத்துள்ளார்.
பண்டிகைகால பொருட்கள் வாங்கச் சென்றவர்கள் விபத்தில் சிக்கிய சம்பவங்கள் பல பகுதிகளில் பதிவாகியுள்ளன.
கடந்த 24 மணி நேரத்தில் இதுபோன்ற பல விபத்துகள் பதிவாகியுள்ளன.
ஹைலெவல் வீதியில் கொஸ்கம மண்டபம் பகுதியில் மோட்டார் சைக்கிளும் லொறியும் மோதி விபத்துக்குள்ளானதில் மோட்டார் சைக்கிளில் பயணித்த நபர் உயிரிழந்துள்ளார்.
பேருந்தை முந்திச் செல்ல முயன்றபோது, எதிரே வந்த லொரி மீது மோட்டார் சைக்கிள் மோதியது.
வெல்லவாய, தனமல்வில பிரதான வீதியின் அண்டாவிளையாய பகுதியில் காரும் முச்சக்கரவண்டியும் மோதி விபத்துக்குள்ளானதில் காரில் பயணித்த இரண்டு சிறு பிள்ளைகள் மற்றும் முச்சக்கரவண்டியின் சாரதி உட்பட நால்வர் காயமடைந்துள்ளனர்.
ஹொரணை – கொழும்பு பிரதான வீதியின் கஹதுடுவ ரிலாவல பகுதியில் துவிச்சக்கர வண்டியும் மோட்டார் சைக்கிளும் மோதி விபத்துக்குள்ளான சம்பவம் சிசிடிவி கெமராவில் பதிவாகியுள்ளது.
விபத்தில் மோட்டார் சைக்கிளில் பயணித்தவரும், சைக்கிளில் பயணித்தவரும் காயமடைந்துள்ளனர்.
இதேவேளை, வீரகட்டியில் இருந்து ஸ்ரீ பாத யாத்திரைக்கு சென்ற யாத்திரிகர்களை ஏற்றிச் சென்ற வேன் ஒன்று ஹட்டன் பலாங்கொடை பிரதான வீதியின் பின்னவல இரட்டை வளைவில் வீதியை விட்டு விலகி குன்றின் மீது கவிழ்ந்து விபத்துக்குள்ளானதில் 7 பேர் காயமடைந்து வைத்தியசாலையில் அனுமதிக்கப்பட்டுள்ளனர்.
இதேவேளை, கரையோரப் புகையிரதத்தின் பலபிட்டிய பதகம்கொட மடுவ புகையிரத கடவையில் கொழும்பில் இருந்து காலி நோக்கி பயணித்த சமுத்திராதேவி புகையிரதத்தின் கார் மோதியதில் விபத்து ஏற்பட்டுள்ளது.
(Visited 10 times, 1 visits today)
