இலங்கையில் அதிகரிக்கும் தங்கத்தின் விலை – இறக்குமதி வரியைக் குறைக்க கோரிக்கை
இலங்கையில் தங்கத்தின் மீதான இறக்குமதி வரியைக் குறைக்க வேண்டும் என்று இலங்கையின் இரத்தினக் கற்கள் மற்றும் நகைத்துறையினர் அரசாங்கத்திடம் கோரிக்கை விடுத்துள்ளனர்.
சர்வதேச தங்கச் சந்தையில் விலை கடுமையாக உயர்ந்து வருவதைக் கருத்தில் கொண்டு, இந்த கோரிக்கை விடுக்கப்பட்டுள்ளது.
தற்போது விதிக்கப்படும் 15 சதவீத இறக்குமதி வரியை 5 சதவீதமாகக் குறைக்க வேண்டும் என்று இத்துறை சார்ந்தவர்கள் வலியுறுத்தியுள்ளனர்.
இந்த உலகளாவிய விலையேற்றத்தால் உள்ளூர் தங்கத்தின் விலைகள் முன்னெப்போதும் இல்லாத அளவுக்கு உயர்ந்துள்ளன.
இதன் காரணமாக தங்க விநியோகம் தடைப்பட்டு, சிறு நகை வியாபாரிகள் பெரும் சிரமங்களை எதிர்கொண்டுள்ளனர்.
இந்த விலையேற்றத்தைக் கருத்தில் கொண்டு நிதி அமைச்சகத்திற்கு மீண்டும் மீண்டும் கோரிக்கைகள் விடுக்கப்பட்ட போதிலும், இதுவரை எந்த நடவடிக்கையும் அல்லது முடிவும் எடுக்கப்படவில்லை என இலங்கை இரத்தினக் கற்கள் மற்றும் நகை வர்த்தகர்கள் சங்கம் தெரிவித்துள்ளது.
உடனடியாக வரியைக் குறைத்தால் மட்டுமே உள்ளூர் நகை விற்பனை மற்றும் தொழில்துறையின் ஸ்திரத்தன்மையைப் பாதுகாக்க முடியும் என்று அவர்கள் நம்புகின்றனர்.
(Visited 12 times, 12 visits today)
