ஹசீனாவின் வீழ்ச்சிக்குப் பிறகு வங்கதேசத்தில் அரசியல் வன்முறையில் 281 பேர் மரணம்

மாணவர் தலைமையிலான போராட்டங்கள் சர்வாதிகார முன்னாள் பிரதமர் ஷேக் ஹசீனாவை(Sheikh Hasina) வெளியேற்றியதில் இருந்து வங்கதேசத்தில் அரசியல் வன்முறையில் கிட்டத்தட்ட 300 பேர் கொல்லப்பட்டுள்ளதாக நாட்டின் முக்கிய மனித உரிமைகள் குழு தெரிவித்துள்ளது.

டாக்காவை(Dhaka) தளமாகக் கொண்ட உரிமைகள் அமைப்பான ஒதிகரின்(Odhikar) அறிக்கை, ஹசீனாவின் ஆட்சி முடிவுக்கு வந்து அவர் இந்தியாவுக்குத் தப்பிச் சென்ற ஆகஸ்ட் 2024 முதல் செப்டம்பர் 2025 வரை அரசியல் சம்பந்தப்பட்ட வன்முறையில் 281 பேர் கொல்லப்பட்டதாகக் தெரிவித்துள்ளது.

ஷேக் ஹசீனாவின் வீழ்ச்சிக்குப் பிறகு, காவல்துறை செயலிழந்துவிட்டதாகவும், அவர்களின் மன உறுதி குறைந்துவிட்டதாகவும் ஓடிகர் இயக்குனர் நசிருதீன் எலானா(Nasiruddin Elana) குறிப்பிட்டுள்ளார்.

ஹசீனாவின் 15 ஆண்டுகால ஆட்சியில், அவரது அரசியல் எதிரிகளை பெருமளவில் தடுத்து வைத்தல் மற்றும் நீதிக்கு புறம்பான கொலை உள்ளிட்ட பரவலான மனித உரிமை மீறல்கள் மட்டுமே காணப்பட்டன.

ஷேக் ஹசீனாவின் வீழ்ச்சிக்குப் பிறகு, நோபல் பரிசு வென்ற முகமது யூனுஸ்(Muhammad Yunus) தலைமையிலான இடைக்கால அரசாங்கத்தால் நாடு தற்போது நிர்வகிக்கப்படுகிறது.